Foto: Arhar.kz

Transporttıq salıqtı akcizderge audaru Qazaqstandağı benzin bağasınıñ ösuine tikeley äser etedi. Bwl turalı QR Qarjı ministri Baqıt Swltanov halıqpen eseptik kezdesuinde mälimdedi.

Zaldağılardıñ swrağına jauap bergen ol qazirgi kezde jaña Salıq kodeksin talqılau barısında benzinniñ bağasına transporttıq salıqtı qosu mäselesi qarastırılıp jatqanın ayttı.

"Bwl biznesmender men sarapşılar arasındağı mäsele. Bir şetinen transporttıq salıqtı akcizderge auıstıru äkimşilendirudi jeñildetedi, al bir jağınan otın bağasınıñ qımbattauına ıqpal etedi. Bwl boyınşa bäri egjey-tegjeyli qaralu kerek. Qazir biz biznes qauımmen talqılaudamız, öytkeni benzin bağası qattı köterilip ketse bwl mindetti türde basqa tauarlardıñ bağasına äser etedi", - dedi ministr.

Ayta keteyik, qazirgi kezde kölik jürgizuşileri benzin bağasınıñ birden köterilip ketuine baylanıstı swranıstı azaytıp jatır. Öytkeni ötken jılı AI-92 markalı benzinniñ bağası 13%-ğa nemese 15 teñgege qımbattağan. Sonday-aq, "QazMwnayGaz" AQ Qazaqstanda 2017 jıldıñ 1 mausımınan bastap dizel' otınınıñ akcizdik bağası tonnasına 9300 teñgeni qwraytının habarlağan.

“The Qazaq Times”