فوتو: Arhar.kz

ترانسپورتتىق سالىقتى اكتسيزدەرگە اۋدارۋ قازاقستانداعى بەنزين باعاسىنىڭ وسۋىنە تىكەلەي اسەر ەتەدى. بۇل تۋرالى قر قارجى ءمينيسترى باقىت سۇلتانوۆ حالىقپەن ەسەپتىك كەزدەسۋىندە مالىمدەدى.

زالداعىلاردىڭ سۇراعىنا جاۋاپ بەرگەن ول قازىرگى كەزدە جاڭا سالىق كودەكسىن تالقىلاۋ بارىسىندا بەنزيننىڭ باعاسىنا ترانسپورتتىق سالىقتى قوسۋ ماسەلەسى قاراستىرىلىپ جاتقانىن ايتتى.

"بۇل بيزنەسمەندەر مەن ساراپشىلار اراسىنداعى ماسەلە. ءبىر شەتىنەن ترانسپورتتىق سالىقتى اكتسيزدەرگە اۋىستىرۋ اكىمشىلەندىرۋدى جەڭىلدەتەدى، ال ءبىر جاعىنان وتىن باعاسىنىڭ قىمباتتاۋىنا ىقپال ەتەدى. بۇل بويىنشا ءبارى ەگجەي-تەگجەيلى قارالۋ كەرەك. قازىر ءبىز بيزنەس قاۋىممەن تالقىلاۋدامىز، ويتكەنى بەنزين باعاسى قاتتى كوتەرىلىپ كەتسە بۇل مىندەتتى تۇردە باسقا تاۋارلاردىڭ باعاسىنا اسەر ەتەدى", - دەدى مينيستر.

ايتا كەتەيىك، قازىرگى كەزدە كولىك جۇرگىزۋشىلەرى بەنزين باعاسىنىڭ بىردەن كوتەرىلىپ كەتۋىنە بايلانىستى سۇرانىستى ازايتىپ جاتىر. ويتكەنى وتكەن جىلى اي-92 ماركالى بەنزيننىڭ باعاسى 13%-عا نەمەسە 15 تەڭگەگە قىمباتتاعان. سونداي-اق، "قازمۇنايگاز" اق قازاقستاندا 2017 جىلدىڭ 1 ماۋسىمىنان باستاپ ديزەل وتىنىنىڭ اكتسيزدىك باعاسى تونناسىنا 9300 تەڭگەنى قۇرايتىنىن حابارلاعان.

“The Qazaq Times”