Almatıda Wlttıq kəsipkerler palatasınıñ auılşaruaşılığı önerkəsibi keşeni komitetiniñ köşpeli jiınında tauar öndiruşiler et qaşan arzandaytının aytqan bolatın.

 «Elimizde ösirilip jatqan maldıñ önimdilik körsetkişi älemdik parametrlerden tömen. Qazaqstandıq iri qaranıñ önimdiliginiñ genetikalıq indeksi 60-70 bolsa, al, AQŞ-ta ortaşa önimdilik indeksi - 195, europa elderinde - 120, jaña Zelandiyada 100 bolıp otır. Önimdiliktiñ tömendiginen süt pen et önimderiniñ qımbat bolatını zañdı», - ded,i «Bayserke Agro» JŞS-nıñ direktorı Altay Kenjebaev.

Et önimderiniñ qımbat boluına mal bağuğa ketetin şığındardıñ köbeyip bara jatqandığı da ıqpal etetin körinedi.

«Biıl, jem-şöp qımbattağandıqtan, et önimderi de säykesinşe qımbattaydı. Eger bıltır bir şömele şöp 250-300 teñge bolsa, biıl 400 teñge şamasında. Boljam ayta almaymın. Biraq bwl da et bağasına äser eteri sözsiz»,- dedi A. Kenjebaev. Mal azığın özderi ösirmek bolğan fermerler de birqatar qiındıqqa tap bolıp otır.

Mäselen, tamşılap suaru tetigin ornatu üşin öndiruşilermen arnayı kelisimge kelu kerek. Bwl qwraldardı qazaqstandıq şabındıqtarğa beyimdeu qosımşa şığındı talap etedi. Alayda 2020 jılğa qaray fermerler et bağasınıñ tüsetinin boljap otır. Öytkeni biıl qırküyekte iri qara men şoşqanıñ embriondarın ösiretin arnayı zerthana aşıladı.

«Önimdilik indeksi 600 bolatın amerikandıq Golştin twqımınıñ 20 basınıñ genetikalıq tiri materialın aldıramız. Olardıñ ärqaysısında 18-60 analıq jwmırtqa boladı. Bizdiñ siırlardı jasandı jolmen wrıqtandıramız. Osılayşa asıl twqımdı töl aluğa boladı. Äkelingen 1 siırdan 2018 jılğa taman 18 bwzau alamız. Al siırlardı sırttan äkelgen künniñ özinde biz jılına 1-2 bwzau alatın edik. Önimdilik joğarı, şığındar sol qalpında bolsa, et bağası tömendeydi.  Öytkeni bazarda et-süt önimderi köbeyedi», - dedi şaruaşılıq basşısı.

“The Qazaq Times”