الماتىدا ۇلتتىق كəسىپكەرلەر پالاتاسىنىڭ اۋىلشارۋاشىلىعى ونەركəسىبى كەشەنى كوميتەتىنىڭ كوشپەلى جيىنىندا تاۋار وندىرۋشىلەر ەت قاشان ارزاندايتىنىن ايتقان بولاتىن.

 «ەلىمىزدە ءوسىرىلىپ جاتقان مالدىڭ ونىمدىلىك كورسەتكىشى الەمدىك پارامەترلەردەن تومەن. قازاقستاندىق ءىرى قارانىڭ ونىمدىلىگىنىڭ گەنەتيكالىق يندەكسى 60-70 بولسا، ال، اقش-تا ورتاشا ونىمدىلىك يندەكسى - 195, ەۋروپا ەلدەرىندە - 120, جاڭا زەلانديادا 100 بولىپ وتىر. ونىمدىلىكتىڭ تومەندىگىنەن ءسۇت پەن ەت ونىمدەرىنىڭ قىمبات بولاتىنى زاڭدى»، - دەد،ءى «بايسەركە اگرو» جشس-نىڭ ديرەكتورى التاي كەنجەباەۆ.

ەت ونىمدەرىنىڭ قىمبات بولۋىنا مال باعۋعا كەتەتىن شىعىنداردىڭ كوبەيىپ بارا جاتقاندىعى دا ىقپال ەتەتىن كورىنەدى.

«بيىل، جەم-ءشوپ قىمباتتاعاندىقتان، ەت ونىمدەرى دە سايكەسىنشە قىمباتتايدى. ەگەر بىلتىر ءبىر شومەلە ءشوپ 250-300 تەڭگە بولسا، بيىل 400 تەڭگە شاماسىندا. بولجام ايتا المايمىن. بىراق بۇل دا ەت باعاسىنا اسەر ەتەرى ءسوزسىز»،- دەدى ا. كەنجەباەۆ. مال ازىعىن وزدەرى وسىرمەك بولعان فەرمەرلەر دە بىرقاتار قيىندىققا تاپ بولىپ وتىر.

ماسەلەن، تامشىلاپ سۋارۋ تەتىگىن ورناتۋ ءۇشىن وندىرۋشىلەرمەن ارنايى كەلىسىمگە كەلۋ كەرەك. بۇل قۇرالداردى قازاقستاندىق شابىندىقتارعا بەيىمدەۋ قوسىمشا شىعىندى تالاپ ەتەدى. الايدا 2020 جىلعا قاراي فەرمەرلەر ەت باعاسىنىڭ تۇسەتىنىن بولجاپ وتىر. ويتكەنى بيىل قىركۇيەكتە ءىرى قارا مەن شوشقانىڭ ەمبريوندارىن وسىرەتىن ارنايى زەرتحانا اشىلادى.

«ونىمدىلىك يندەكسى 600 بولاتىن امەريكاندىق گولشتين تۇقىمىنىڭ 20 باسىنىڭ گەنەتيكالىق ءتىرى ماتەريالىن الدىرامىز. ولاردىڭ ارقايسىسىندا 18-60 انالىق جۇمىرتقا بولادى. ءبىزدىڭ سيىرلاردى جاساندى جولمەن ۇرىقتاندىرامىز. وسىلايشا اسىل تۇقىمدى ءتول الۋعا بولادى. اكەلىنگەن 1 سيىردان 2018 جىلعا تامان 18 بۇزاۋ الامىز. ال سيىرلاردى سىرتتان اكەلگەن كۇننىڭ وزىندە ءبىز جىلىنا 1-2 بۇزاۋ الاتىن ەدىك. ونىمدىلىك جوعارى، شىعىندار سول قالپىندا بولسا، ەت باعاسى تومەندەيدى.  ويتكەنى بازاردا ەت-ءسۇت ونىمدەرى كوبەيەدى»، - دەدى شارۋاشىلىق باسشىسى.

“The Qazaq Times”