QR “Köşi-qon jäne halıqtı jwmıspen qamtu mäseleleri boyınşa Qazaqstan Respublikasınıñ keybir zañnamalıq aktilerine özgerister men tolıqtırular engizu turalı” Zañı qayta qaralğan bolatın.

Etnikalıq qazaqtardıñ tarihi otanına oraluın ıntalandıru maqsatında, zañ jobasında qonıs audaru öñirine qaramastan oralman märtebesin beru, Ükimet belgilegen aymaqtarğa ornalasqan kezde jwmıspen qamtuğa järdemdesudegi belsendi şaralar ayasında äleumettik qoldau ielenu mümkindigi,  ıqtiyarhat alğan jağdayda bir jıl işinde oralmannıñ Qazaqstan Respublikası azamattığın aluı közdelude.

Eñbek jäne halıqtı äleumettik qorğau vice-ministri QR Ükimeti erikti köşi-qondı ıntalandıruda, oralmandardı qosqanda qonıs audaruşılardı qabıldaytın 7 öñirdi (Aqmola, Atırau, Şığıs Qazaqstan, Batıs Qazaqstan, Qostanay, Pavlodar jäne Soltüstik Qazaqstan oblıstarı) jäne köştiñ qaynar közi retindegi 4 öñirdi (Almatı, Jambıl, Mañğıstau jäne Oñtüstik Qazaqstan oblıstarı) belgilegenin eske saldı. Joğarıda keltirilgen öñirlerge qonıs audarudı wyğarğan qandastarımızğa köş şığındarın jabatın jäne bir jıl boyı baspana jaldauğa qajet qarjını öteytin subsidiya bölinedi.

«Ükimet anıqtağan öñirlerge köşip barğandarğa barınşa jağday jasau jağın qarastırıp otırmız. Birinşiden, 35 aylıq eseptik körsetkiş deñgeyindegi otbasınıñ är adamına beriletin tölemaqı saqtaladı. Ekinşiden, köşip barğan otbasığa bir jılğa deyin ay sayın twrğın üy jaldauğa 34-68 mıñ teñge köleminde aqşa töleymiz. Eger soltüstiktiñ auıldı jerlerine köşip barsa, jıldıq jalğa töleytin aqşağa üy satıp aluğa da boladı eken. Üy alatın bolsa, jıldıq jaldau aqısın birden audaruğa da kelisip otırmız. Twrğın üy jinaq banki de öz jeñildikterin wsınuğa dayındığın añğartuda», - dep bayıptadı Birjan Nwrımbetov.

“The Qazaq Times”