قر “كوشى-قون جانە حالىقتى جۇمىسپەن قامتۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى” زاڭى قايتا قارالعان بولاتىن.

ەتنيكالىق قازاقتاردىڭ تاريحي وتانىنا ورالۋىن ىنتالاندىرۋ ماقساتىندا، زاڭ جوباسىندا قونىس اۋدارۋ وڭىرىنە قاراماستان ورالمان مارتەبەسىن بەرۋ، ۇكىمەت بەلگىلەگەن ايماقتارعا ورنالاسقان كەزدە جۇمىسپەن قامتۋعا جاردەمدەسۋدەگى بەلسەندى شارالار اياسىندا الەۋمەتتىك قولداۋ يەلەنۋ مۇمكىندىگى،  ىقتيارحات العان جاعدايدا ءبىر جىل ىشىندە ورالماننىڭ قازاقستان رەسپۋبليكاسى ازاماتتىعىن الۋى كوزدەلۋدە.

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قر ۇكىمەتى ەرىكتى كوشى-قوندى ىنتالاندىرۋدا، ورالمانداردى قوسقاندا قونىس اۋدارۋشىلاردى قابىلدايتىن 7 ءوڭىردى (اقمولا، اتىراۋ، شىعىس قازاقستان، باتىس قازاقستان، قوستاناي، پاۆلودار جانە سولتۇستىك قازاقستان وبلىستارى) جانە كوشتىڭ قاينار كوزى رەتىندەگى 4 ءوڭىردى (الماتى، جامبىل، ماڭعىستاۋ جانە وڭتۇستىك قازاقستان وبلىستارى) بەلگىلەگەنىن ەسكە سالدى. جوعارىدا كەلتىرىلگەن وڭىرلەرگە قونىس اۋدارۋدى ۇيعارعان قانداستارىمىزعا كوش شىعىندارىن جاباتىن جانە ءبىر جىل بويى باسپانا جالداۋعا قاجەت قارجىنى وتەيتىن سۋبسيديا بولىنەدى.

«ۇكىمەت انىقتاعان وڭىرلەرگە كوشىپ بارعاندارعا بارىنشا جاعداي جاساۋ جاعىن قاراستىرىپ وتىرمىز. بىرىنشىدەن، 35 ايلىق ەسەپتىك كورسەتكىش دەڭگەيىندەگى وتباسىنىڭ ءار ادامىنا بەرىلەتىن تولەماقى ساقتالادى. ەكىنشىدەن، كوشىپ بارعان وتباسىعا ءبىر جىلعا دەيىن اي سايىن تۇرعىن ءۇي جالداۋعا 34-68 مىڭ تەڭگە كولەمىندە اقشا تولەيمىز. ەگەر سولتۇستىكتىڭ اۋىلدى جەرلەرىنە كوشىپ بارسا، جىلدىق جالعا تولەيتىن اقشاعا ءۇي ساتىپ الۋعا دا بولادى ەكەن. ءۇي الاتىن بولسا، جىلدىق جالداۋ اقىسىن بىردەن اۋدارۋعا دا كەلىسىپ وتىرمىز. تۇرعىن ءۇي جيناق بانكى دە ءوز جەڭىلدىكتەرىن ۇسىنۋعا دايىندىعىن اڭعارتۋدا»، - دەپ بايىپتادى ءبىرجان نۇرىمبەتوۆ.

“The Qazaq Times”