Mekkedegi Kähba (Kub). Foto: RIA Novosti.

Katar Saud Arabiyası men Izrail'di qatar atap, bwl elder dindi sayasi maqsattarına paydalanıp otır dep ayıptadı. Bwl turalı «Pars.Aqparat» agenttiginiñ resmi saytı habarlaydı.

Katardıñ Adam qwqıqtarı jönindegi wlttıq komitettiñ törağası Ali bin Samih äl-Marri: «Wlttıq komitetke köptegen katarlıq azamattardan şağımdar kelip tüsti. Olardıñ şağımdarında Katar azamattarın Saud ükimeti äl-Haram meşitine kiruine jol bermey otırğanın , äri elden tezirek ketuin talap etkenin aytuda», – dep mälimdedi. Al, osıdan bwrın Ierusalim qalasınıñ Palestinağa täueldi aymaqtardı basqaruşı organdar Izrail' äskerileriniñ mwsılmandardı äl-Aqsa meşitine kirip-şığuın şektep otırğanın mälimdegen bolatın.

Saud Arabiyası ükimeti soñğı jıldardan beri Süriya, Iran, Yemen memleketteriniñ azamattarın, ötken aptadan bastap Katar azamattarın qajılıq parızın öteuinen maqwrım etti. 2015 jılı Iranmen diplomatiyalıq qatınasın üzgen Saud Arabiyası, irandıqtardıñ qajılıq räsimderin ötep, Mekke men Madina qalalarına baruına şekteu qoyğan.   2016 jılğa kelgende Iran jaq azamattarınıñ qajılıq parızı üşin Kerbala şöline barudı belgilep, Saud Arabiyasınıñ jasağan äreketine aşıq ayıp taqqan bolatın.

“The Qazaq Times”