![](https://qazaqtimes.com/kk/content/uploads/2018/12/mohammedbinsalman-800x480.jpg?token=9287c8f0c10d102b901711ff0aa30817)
Saud Arabiyası Amerika Qwrama Ştattarımen ortadağı şielenisti retteu üşin eki ükimettik delegaciya jiberudi josparlap otır. Er-Riyad bwl delegaciya saparı prezident Baydenniñ Saud Arabiyasına resmi saparmen keluine jol aşadı dep ümittenude.
15 mausımdağı alğaşqı delegaciyanı Saud Arabiyasınıñ Sauda ministri Madjid bin Abdulla äl-Kasabi bastap baru josparlanğan, al ay soñında investiciya ministri Haled äl-Falih bastağan ekinşi delegaciya AQŞ-qa baradı. Bwl delegaciyalar kölik, logistika jäne jañartılatın energiya siyaqtı birneşe saladağı kelisimderdi talqılaydı.
AQŞ-qa ükimetaralıq delegaciya jiberuturalı Saud biligi qazirşe resmi mälimdeme jasağan joq. Joğarıdağı aqparattı VOA agenttigine Saud ükimetindegi atı-jönin bildirmegen şeneunikter bergen.
Yemendegi soğıs, adam qwqığı jäne energiyanıñ qımbattauına baylanıstı AQŞ pen Saud Arabiyasınıñ qarım-atınası şielenisti küyde twr. Biraq, ötken jwmada Bayden Saud Arabiyasına resmi sapar josparınıñ bar ekenin aytqan. Saud patşalığınıñ taq mwrageri Mwhammed bin-Salman da Bayden saparında eki el ortasındağı qarım-qatınastı retteudi ümit etedi.
Parsı şığanağındağı elderdiñ Resey jäne Qıtaymen qarım-qatınası barğan sayın tereñdete tüsui Bayden ükimetin alañdattı, äri AQŞ-tıñ atalğan aymaqtağı poziciyası salqınday bastadı.