مەككەدەگى كاھبا (كۋب). فوتو: ريا نوۆوستي.

كاتار ساۋد ارابياسى مەن ءيزرايلدى قاتار اتاپ، بۇل ەلدەر ءدىندى ساياسي ماقساتتارىنا پايدالانىپ وتىر دەپ ايىپتادى. بۇل تۋرالى «پارس.اقپارات» اگەنتتىگىنىڭ رەسمي سايتى حابارلايدى.

كاتاردىڭ ادام قۇقىقتارى جونىندەگى ۇلتتىق كوميتەتتىڭ توراعاسى الي بين ساميح ءال-مارري: «ۇلتتىق كوميتەتكە كوپتەگەن كاتارلىق ازاماتتاردان شاعىمدار كەلىپ ءتۇستى. ولاردىڭ شاعىمدارىندا كاتار ازاماتتارىن ساۋد ۇكىمەتى ءال-حارام مەشىتىنە كىرۋىنە جول بەرمەي وتىرعانىن ، ءارى ەلدەن تەزىرەك كەتۋىن تالاپ ەتكەنىن ايتۋدا»، – دەپ مالىمدەدى. ال، وسىدان بۇرىن يەرۋساليم قالاسىنىڭ پالەستيناعا تاۋەلدى ايماقتاردى باسقارۋشى ورگاندار يزرايل اسكەريلەرىنىڭ مۇسىلمانداردى ءال-اقسا مەشىتىنە كىرىپ-شىعۋىن شەكتەپ وتىرعانىن مالىمدەگەن بولاتىن.

ساۋد ارابياسى ۇكىمەتى سوڭعى جىلداردان بەرى ءسۇريا، يران، يەمەن مەملەكەتتەرىنىڭ ازاماتتارىن، وتكەن اپتادان باستاپ كاتار ازاماتتارىن قاجىلىق پارىزىن وتەۋىنەن ماقۇرىم ەتتى. 2015 جىلى يرانمەن ديپلوماتيالىق قاتىناسىن ۇزگەن ساۋد ارابياسى، يراندىقتاردىڭ قاجىلىق راسىمدەرىن وتەپ، مەككە مەن مادينا قالالارىنا بارۋىنا شەكتەۋ قويعان.   2016 جىلعا كەلگەندە يران جاق ازاماتتارىنىڭ قاجىلىق پارىزى ءۇشىن كەربالا شولىنە بارۋدى بەلگىلەپ، ساۋد ارابياسىنىڭ جاساعان ارەكەتىنە اشىق ايىپ تاققان بولاتىن.

“The Qazaq Times”