Erekşe jasaq. Almatı. Foto: Informburo.kz

Onıñ maqsatı – qwqıqbwzuşılıqtıñ aldın alu, sonday-aq qılmıs jasauğa beyim adamdardı anıqtau. Jedel-aldın alu is-şarası qañtardıñ 6-sı men 25-i aralığında Almatı aumağında ötetin boladı. Bwl turalı Almatı qalasınıñ İİD Baspasöz-qızmeti habarlap otır.  

«Köptegen sportşılar men basqa eldiñ qonaqtarı qatısatın iri halıqaralıq deñgeydegi sporttıq oqiğa Universiada-2017 qarsañında qauipsizdikti saqtau mäselesi basımdıqqa ie boladı. Soğan baylanıstı Almatı qalası men megapolispen şektesetin Almatı oblısınıñ birneşe audandarında negizinen jattığu sipatındağı auqımdı jedel-aldın alu şaraların ötkizu josparlanuda. Oğan qwqıqqorğau organdarınıñ auqımdı küşteri qatısadı. Twrğılıqtı jerge baylanıstı işki ister organdarınıñ profilaktikalıq esebinde twratın adamdar tekseristen ötkiziledi. Odanda basqa añşılıq atıs qaru ieleriniñ olardı saqtauı jäne qarudı qayta tirkeu erejesine säykestigine baylanıstı tekseriletin boladı»,- dep habarladı Almatı qalalıq terrorizmge qarsı küres ştabındağılar.

Sonımen birge AQJŞ Almatı men oğan şektesetin audandardağı tärtipti qamtamasız etu şaraların ötkizuge baylanıstı azamattardı tüsinistikke şaqıradı, sonday-aq barlıq jerde birdey qwqıqqorğau organdarı qızmetkerlerine jappay järdemdesuge ündeydi.

"The Qazaq Times"