ونىڭ ماقساتى – قۇقىقبۇزۋشىلىقتىڭ الدىن الۋ، سونداي-اق قىلمىس جاساۋعا بەيىم ادامداردى انىقتاۋ. جەدەل-الدىن الۋ ءىس-شاراسى قاڭتاردىڭ 6-سى مەن 25-ءى ارالىعىندا الماتى اۋماعىندا وتەتىن بولادى. بۇل تۋرالى الماتى قالاسىنىڭ ءىىد ءباسپاسوز-قىزمەتى حابارلاپ وتىر.
«كوپتەگەن سپورتشىلار مەن باسقا ەلدىڭ قوناقتارى قاتىساتىن ءىرى حالىقارالىق دەڭگەيدەگى سپورتتىق وقيعا ۋنيۆەرسيادا-2017 قارساڭىندا قاۋىپسىزدىكتى ساقتاۋ ماسەلەسى باسىمدىققا يە بولادى. سوعان بايلانىستى الماتى قالاسى مەن مەگاپوليسپەن شەكتەسەتىن الماتى وبلىسىنىڭ بىرنەشە اۋداندارىندا نەگىزىنەن جاتتىعۋ سيپاتىنداعى اۋقىمدى جەدەل-الدىن الۋ شارالارىن وتكىزۋ جوسپارلانۋدا. وعان قۇقىققورعاۋ ورگاندارىنىڭ اۋقىمدى كۇشتەرى قاتىسادى. تۇرعىلىقتى جەرگە بايلانىستى ىشكى ىستەر ورگاندارىنىڭ پروفيلاكتيكالىق ەسەبىندە تۇراتىن ادامدار تەكسەرىستەن وتكىزىلەدى. وداندا باسقا اڭشىلىق اتىس قارۋ يەلەرىنىڭ ولاردى ساقتاۋى جانە قارۋدى قايتا تىركەۋ ەرەجەسىنە سايكەستىگىنە بايلانىستى تەكسەرىلەتىن بولادى»،- دەپ حابارلادى الماتى قالالىق تەرروريزمگە قارسى كۇرەس شتابىنداعىلار.
سونىمەن بىرگە اقجش الماتى مەن وعان شەكتەسەتىن اۋداندارداعى ءتارتىپتى قامتاماسىز ەتۋ شارالارىن وتكىزۋگە بايلانىستى ازاماتتاردى تۇسىنىستىككە شاقىرادى، سونداي-اق بارلىق جەردە بىردەي قۇقىققورعاۋ ورگاندارى قىزمەتكەرلەرىنە جاپپاي جاردەمدەسۋگە ۇندەيدى.
"The Qazaq Times"
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟