Foto: Kapital.kz

QR Memlekettik qızmet isteri jäne sıbaylas jemqorlıqqa qarsı is-qimıl agenttigi törağasınıñ orınbasarı Alik Şpekbaev kvazimemlekettik sektordağı satıp alu boyınşa bolğan jemqorlıqpen küresudiñ jolın wsındı.

Onıñ aytuınşa, qazirgi kezde bwl sektorda qılmıs sanınıñ ösui bayqaladı. Mısalı ötken jılı satıp alu salasında 137 qılmıs tirkelse, biıl bes aydıñ işinde 51 qwqıq bwzuşılıq tirkelgen.

"Wlttıq ekonomikanıñ twraqtı damuında kvazimemlekettik sektordıñ röli naqtılanğan. Al onı odan arı tiimdi damıtu üşin jemqorlıqpen küresu kerek. Alayda statistika bwl sektorda qılmıstıñ köbeygenin körsetedi. Onıñ sebebi - birıñğay äreket pen jalpı baqılaudıñ bolmauı", - deydi Şpekbaev.

Onıñ sözinşe, kvazimemlekettik sektordağı jağdaydıñ qiındauı zañnamadağı sıbaylas jemqorlıq täuekelderiniñ bar ekendigin jäne esep beru mülde az ekenin bildiredi.

"Jağdaydı aldın alıp küresuge eki satılı jüye kömektesedi. Ol satıp alulardı zañdı türde retteytin  zañ jobası ayasında engizilgen. Birinşi jüyede biznesmender wlttıq kompaniyalar men holdingter auditiniñ işki qızmetine, ekinşi jüyede qarjı ministrliginiñ işki memlekettik audit komitetine kiruine tura keledi. Al eger qwqıq bwzuşılıqtar anıqtalsa wlttıq kompaniya jetekşileri jauapkerşilikke tartıladı", - dedi ol.

Ayta keteyik, Qazaqstanda 16 sala boyınşa jemqorlıqpen küres qatañdatılıp jatır. Sonday-aq, Qarjı ministrliginde osı jıldıñ 1 toqsanında jemqorlıqqa qatıstı 58 fakt tirkelgeni jäne bwl ötken jıldıñ säykes kezeñimen salıstırğanda 81%-ğa joğarı ekeni habarlanğan.

Eskeretin närse, elimizde jıl sayın jemqorlıq saldarınan 3,8 mlrd dollar jelge wşadı.

“The Qazaq Times”