Foto: astana.gov.kz
10-mausım küni Esil özeniniñ jağalauında, Kenesarı han eskertkişiniñ mañında EKSPO-2017 mamandandırılğan halıqaralıq körmesiniñ resmi bastaluına oray Elorda arbatınıñ saltanattı aşılu räsimi ötti dep habarlaydı Astana qalası äkimdiginiñ baspasöz qızmeti.

Şarağa qala äkimi Äset Isekeşev, qoğam jäne mädeniet qayratkerleri, qala twrğındarı men qonaqtarı qatıstı.

Arbatta qolönerşiler men suretşilerdiñ düñgirşikteri bar 14 jartılay kiiz üy ornalasqan. Elordalıq qılqalam şeberleri men qolönerşileri bwl jerde biregey bwyımdarın qwrastırıp, şeberlik sınıptarın ötkizedi. Astana arbatınıñ negizgi nısanı – han ordası bolmaq.

– Bügin biz Elorda arbatınıñ aşıluına jinalıp twrmız. Älemniñ barlıq qalalarında öz Arbatı bar ekenin bilesizder. Bwl – zergerler men şeberler, muzıkanttar men suretşiler jinalatın mädeni orın. Olar – är adamğa iltipat tanıtıp, darındarı men talanttarı arqılı tañ qaldıratın biregey öner ieleri. Olardıñ qoltañbaları qala men audandardıñ ayrıqşa beynesin äspetteydi: özderiñiz körip twrğanday bwl jerge qoldanbalı önerdiñ şeberleri jinalğan. Esil jağalauına erekşe reñ berip, halıqtıñ süyikti jerine aynaldırdı, - dedi «Sarıarqa» audanınıñ äkimi Arman Twrlıbek.

Astana Arbatı qala äkimi Äset Isekeşevtiñ bastamasımen ötken men bügindi baylanıstırıp, beybitşilik pen kelisimdi nığaytıp, öskeleñ wrpaqtıñ qazaq halqınıñ ädet-ğwrpı men tarihına degen qızığuşılığın arttıradı maqsatta qwrılğan bolatın.

“The Qazaq Times”