استانانىڭ ارباتى اشىلدى

شاراعا قالا اكىمى اسەت يسەكەشەۆ، قوعام جانە مادەنيەت قايراتكەرلەرى، قالا تۇرعىندارى مەن قوناقتارى قاتىستى.

ارباتتا قولونەرشىلەر مەن سۋرەتشىلەردىڭ دۇڭگىرشىكتەرى بار 14 جارتىلاي كيىز ءۇي ورنالاسقان. ەلوردالىق قىلقالام شەبەرلەرى مەن قولونەرشىلەرى بۇل جەردە بىرەگەي بۇيىمدارىن قۇراستىرىپ، شەبەرلىك سىنىپتارىن وتكىزەدى. استانا ارباتىنىڭ نەگىزگى نىسانى – حان ورداسى بولماق.

– بۇگىن ءبىز ەلوردا ارباتىنىڭ اشىلۋىنا جينالىپ تۇرمىز. الەمنىڭ بارلىق قالالارىندا ءوز ارباتى بار ەكەنىن بىلەسىزدەر. بۇل – زەرگەرلەر مەن شەبەرلەر، مۋزىكانتتار مەن سۋرەتشىلەر جينالاتىن مادەني ورىن. ولار – ءار ادامعا ءىلتيپات تانىتىپ، دارىندارى مەن تالانتتارى ارقىلى تاڭ قالدىراتىن بىرەگەي ونەر يەلەرى. ولاردىڭ قولتاڭبالارى قالا مەن اۋدانداردىڭ ايرىقشا بەينەسىن اسپەتتەيدى: وزدەرىڭىز كورىپ تۇرعانداي بۇل جەرگە قولدانبالى ونەردىڭ شەبەرلەرى جينالعان. ەسىل جاعالاۋىنا ەرەكشە رەڭ بەرىپ، حالىقتىڭ سۇيىكتى جەرىنە اينالدىردى، - دەدى «سارىارقا» اۋدانىنىڭ اكىمى ارمان تۇرلىبەك.

استانا ارباتى قالا اكىمى اسەت يسەكەشەۆتىڭ باستاماسىمەن وتكەن مەن بۇگىندى بايلانىستىرىپ، بەيبىتشىلىك پەن كەلىسىمدى نىعايتىپ، وسكەلەڭ ۇرپاقتىڭ قازاق حالقىنىڭ ادەت-عۇرپى مەن تاريحىنا دەگەن قىزىعۋشىلىعىن ارتتىرادى ماقساتتا قۇرىلعان بولاتىن.

“The Qazaq Times”