Foto: afigenchik.ru

Soñğı uaqıtta köptegen halıqaralıq wyımdar älem halıqtarınıñ arasında baqıt turalı statistikalıq zertteuler men saualnamalar jürgizip keledi. Bwl taqırıp adamdardıñ qanşalıqtı baqıttı ekendikteri men qoğamğa qanşalıqtı köñili tolatındığın anıqtau maqsatında zerttelgen bolatın. Zertteu nätijelerine säykes, eñ baqıttı halıqtardıñ reytingisinde äleumettik jağdayı ortaşadan tömen elder köş bastap twr. Damığan elderdegi halıqtıñ äleumettik jağdayı edäuir joğarı bolğanımen, adamdardıñ köbisi ömirge köñili tolmaytındıqtarın jäne özderin baqıttı sezinbeytindikterin aytqan.  

Adamzat osı uaqıtqa deyin taba almay kele jatqan baqıttıñ qwpiyasın eñ baqıttı elderdiñ biri bolıp tabılatın Butannan izdestirip köreyik.

Foto: afigenchik.ru

Butan - Baqıt Ministrligi jwmıs jasaytın älemdegi jalğız el.

Wzaq jıldar boyı Butan sırtqı älemnen oqşau qalıp qoyğan. El Ündistan men Qıtaydıñ ortasındağı Gimalay taularında ornalasqan. Nebäri 700 000 twrğını bar. Butan 1971 jılı BWW-na müşe bolğanğa deyin, elge basqa memleket azamattarına kiruge rwqsat bolmağan. Butanda televidenieniñ özi 2002 payda bolğan. Al internet odan da keyin keldi. Bwnday oqşaulanu sırtqı ıqpaldan saqtana otırıp, eldiñ mädeni jäne dini dästürlerin saqtauına ıqpal etken.

Soñğı zertteulerge säykes, Butan älemdegi eñ baqıttı el bolıp tabıladı. Butandıqtardıñ 97% payızı özderin baqıttı sanaytındarın aytqan. Bälkim, bwl körsetkiş elde älemdegi jalğız Baqıt ministrligi jwmıs jasaytıqtan boluı mümkin. Biraq bilikke Djigme Khesara Namg'yal Vangçuk korol'diñ keluinen keyin halıq arasında «europalıq» ömir saltı keñ tarağan. Soğan qaramastan, köpşilik san ğasırlar boyı özderin baqıttı etip kelgen salt-sanadan bas tartqısı kelmeydi.

Butandıqtar salt-dästürdi mıqtı wstanğan. Halıq kündelikti wlttıq kiimmen jüredi. Balalardıñ köbisi ruhani damu üşin jastayınan ğibadathanalarda tälim aladı. Elde erler men äyelder teñ qwqılı, äri därejeleri de teñ. Butandıqtarda jerdiñ saqtauşısı äyel adam bolıp tabıladı.

Kün köristiñ bastı közi – auıl şaruaşılığı.

Butanğa kelgisi kelgen sayahatşılar eldiñ byudjetine tüsetin biraz aqşa töleui qajet boladı.

Butandıqtardıñ baqıtınıñ kilti – san ğasırlıq sabaqtastıqtı joğaltpay salt-dästürdi saqtay otırıp qolda bar qwndılıqtardı qadirley bilu. Üyrenerlik dünie...

“The Qazaq Times”