Baqıt, erkindik Foto: muzan.ru

"Baqıttıñ" naqtı ne ekendigin äli naqtı eş ğılım aşa almağanımen, "baqıttı boludıñ" milliardtağan täsili bar. Biraq bir sättik baqıt pen ömirdiñ mänin şatastırıp almağanıñız jön. Adamdar baqıt quıp keyde bastarın tauğa da, jarğa da "soğıp" jatadı. Aqırında bar talpınıs eş ketpek. Tipti tapqan-tayanğanı basqa kem-ketigine ketip, ornı tolığıp otıratını zañdılıq. Soñında ömirdiñ qalay ötip ketkenin bayqamay qalıp jatadı. Ömirde tek aqşa men baqıttıñ soñınan quıp nağız baylıq pen baqıttan qağılıp qalmañız. Sol sebepti de ömirdiñ är sekundına män beretin tömendegi biraz keñesterdi wsınamız. 

  • Uaqıtıñızdı soñı joq serialdar men telebağdarlamalardı köruge arnamañız. Är seriyasına sağattarıñız ketkenimen, sizdiñ ömiriñiz de osı serial sekildi bir küni bitetinin wmıtpañız.
  • Virtualdı älemge qarağanda şınayı ömir mañızdıraq boluı kerek. Şınayı «osı» älemde ömir süriñiz.
  • Tabiğattıñ, künniñ, ärbir sättiñ ğajayıp körinisterin este saqtañız. Aynalañızğa män beriñiz. Qartayğan şağıñızda eske alıp otıratın estelikteriñiz köp bolsın.
  • Öziñizdi jağımdı qasietterge baulıñız. Bastısı – densaulığıñızdı kütiñiz.
  • Kün sayın bir jaña dünieni bilip otırudı ädetke aynaldırıñız. Şeksiz ğalamnıñ qwpiyasına ıntıq bolıñız. Sonda ğana qartayğan şağıñızda danalıq pen kemeñgerlikke jetesiz.
  • Tañnıñ atuı men künniñ batuın baqılap, är sättiñ öz keremetin bayqap üyreniñiz.
  • Kündelikti tağıp jürgen «betperdeñizdi» şeşip, şınayı bolıñız. Sonda ğana şınayı ömir süre alasız. Bastısı öziñizdi joğaltıp almañız.
  • Senimsizdik pen qorqınış sizdiñ ömir süruiñizge ülken kedergi bolıp tabıladı. Sol sebepti de öziñizge senimdi  bolğan jön. Sonımen qatar, öziñizge tım sın közben qarap, kemsitudi doğarıñız. Twyıq, özine senimsiz adamdarğa ömirde öz orındarın tabu qiınğa soğadı.
  • Köñiliñizdiñ tükpirindegi päk bala köñiliñizdi joğaltıp almañız. Ömirdi şınayı qabıldap, är sätinen jaqsılıqtardı köre biliñiz. Tipti şeşilmeytin mäsele bolsa da, artınan bir qayırı bar ekenin esiñizden şığarmañız. Bastısı senim men jaqsı oylau.
  • Uaqıttı bağalap, jastıq şaqta bolaşağıñızdı jasap ülgeriñiz. Tek izdenis pen beynettiñ artında ğana zeynet jatatının este saqtañız.

"The Qazaq Times"