Foto: azh.kz

2016 jılı tabiğattı paydalanu jäne ekologiya salasında  26 sıbaylas jemqorlıq qılmısı tirkelgen. Al 2017 jıldıñ 4 ayınıñ qorıtındısı olardıñ sanı ötken jıldıñ alğaşqı aylarına qarağanda  3 esege artqan. Mwnday derekter Qazaqstan Respublikasınıñ Bas prokuraturasınıñ Qwqıqtıq statistika jäne arnayı esepke alu komitetiniñ mälimeterinde keltirilgen.

Qazaqstan Respublikası Memlekettik qızmet isteri jäne sıbaylas jemqorlıqqa qarsı is-qimıl agenttiginiñ aqparatınşa, QR Energetika ministrligi jäne onıñ aumaqtıq bölimşelerimen 2016 jılı qorşağan ortanı qorğau salasındağı zañ bwzuşılıq faktileri boyınşa 5610 äkimşilik qwqıq bwzuşılıq tirkelip, olardıñ 92%-ına jalpı soması 2 mlrd teñgeden astam ayıppwl salınğan.

Eñ köp ayıppwl  kölemi -  Batıs Qazaqstan oblısına (578 mln teñge), Aqtöbe oblısına (458 mln teñge)  jäne Qarağandı oblısına ( 448 mln teñge) tiesili.

Energetika ministrliginiñ aqparatı boyınşa 2016 jılı baqılau-inspekciyalıq qızmettiñ nätijesinde qorşağan ortanı lastağanı üşin zañdı twlğalardan jalpı soması 25 mlrd teñge öndirildi, al osı jıldıñ basınan bastap-aq bwl körsetkiş 20 mlrd teñgeden asqan.

Sonday-aq, agenttiktiñ baspasöz habarlamasında jazılğan aqparatqa süyensek, jıl sayın payda bolatın 5-6 mln tonna twrmıstıq-qattı qaldıqtardıñ tek 1,8% qayta öñdeledi, al qalğanı 100 mln tonna kölemindegi qaldıqtarğa qosılıp, arnayı poligondarda jinaladı eken.

“The Qazaq Times”