Qazaqstanda kökönis pen et önimi qımbat

2017 jıldıñ basınan beri Qazaqstanda kökönis pen et önimderi qımbattağan. Mwnday mälimetti statistika komiteti keltirip otır. 

Mısalı jıl basınan beri piyaz bağası 62%-ğa, kartop bağası 48,9%-ğa qımbattağan. Al 25 mamırdağı jağday boyınşa oramjapıraqtıñ qwnı 32,4%-ğa köterilse, säbizdiñ bağası 23,6%-ğa qımbattağan.

Al ettiñ bağası jıl basınan beri 9,6%-ğa köterilgen.

Bağası tömendegen önimder de joq emes. Mısalı qaraqwmıq jarması 12,1%-ğa, qant 6,9%-ğa, künbağıs mayı 5,9%-ğa arzan. Sonday-aq, jwmırtqa bağası 19,2%-ğa tömendegen.

Jalpı alğanda äleumettik mañızı bar tauarlardıñ bağası 4,9%-ğa joğarılağan.

Ayta keteyik, bwğan deyin Wlttıq bank bağanıñ ösuine qatıstı halıq arasında saualnama jürgizgen. Saualnamağa qatısuşılar inflyaciyanıñ negizgi közi retinde tamaq önimderi bağasınıñ ösuin aytqan. Sonday-aq, respondentterdiñ 53%-ı 2017 jılğı mamırda bağa tağı da ösedi dep pikir bildirgen.

Bank habarlamasında jazılğanday, tipti  bir jıldan keyin inflyaciyanıñ deñgeyin 10%-dan joğarı bağalaytındardıñ ülesi birşama ösken. Al bolaşaqtağı inflyaciyanı 6-10%-dıq aralıqta bağalaytındardıñ ülesi 23%-dan 28%-ğa deyin joğarılağan.

“The Qazaq Times”