قازاقستاندا كوكونىس پەن ەت ءونىمى قىمبات

2017 جىلدىڭ باسىنان بەرى قازاقستاندا كوكونىس پەن ەت ونىمدەرى قىمباتتاعان. مۇنداي مالىمەتتى ستاتيستيكا كوميتەتى كەلتىرىپ وتىر. 

مىسالى جىل باسىنان بەرى پياز باعاسى 62%-عا، كارتوپ باعاسى 48,9%-عا قىمباتتاعان. ال 25 مامىرداعى جاعداي بويىنشا ورامجاپىراقتىڭ قۇنى 32,4%-عا كوتەرىلسە، ءسابىزدىڭ باعاسى 23,6%-عا قىمباتتاعان.

ال ەتتىڭ باعاسى جىل باسىنان بەرى 9,6%-عا كوتەرىلگەن.

باعاسى تومەندەگەن ونىمدەر دە جوق ەمەس. مىسالى قاراقۇمىق جارماسى 12,1%-عا، قانت 6,9%-عا، كۇنباعىس مايى 5,9%-عا ارزان. سونداي-اق، جۇمىرتقا باعاسى 19,2%-عا تومەندەگەن.

جالپى العاندا الەۋمەتتىك ماڭىزى بار تاۋارلاردىڭ باعاسى 4,9%-عا جوعارىلاعان.

ايتا كەتەيىك، بۇعان دەيىن ۇلتتىق بانك باعانىڭ وسۋىنە قاتىستى حالىق اراسىندا ساۋالناما جۇرگىزگەن. ساۋالناماعا قاتىسۋشىلار ينفلياتسيانىڭ نەگىزگى كوزى رەتىندە تاماق ونىمدەرى باعاسىنىڭ ءوسۋىن ايتقان. سونداي-اق، رەسپوندەنتتەردىڭ 53%-ى 2017 جىلعى مامىردا باعا تاعى دا وسەدى دەپ پىكىر بىلدىرگەن.

بانك حابارلاماسىندا جازىلعانداي، ءتىپتى  بىر جىلدان كەيىن ينفلياتسيانىڭ دەڭگەيىن 10%-دان جوعارى باعالايتىنداردىڭ ۇلەسى ءبىرشاما وسكەن. ال بولاشاقتاعى ينفلياتسيانى 6-10%-دىق ارالىقتا باعالايتىنداردىڭ ۇلەسى 23%-دان 28%-عا دەيىن جوعارىلاعان.

“The Qazaq Times”