Ortalıq Aziya kölemindegi alğaşqı biregey joba bwqaralıq aqparat qwraldarında, äleumettik jelide, messendjerlerde jarıq körgen qoğamdıq mañızı bar aqparattıñ, el aldında jürgen azamattar men qoğamdıq wyımdardıñ mälimdemeleriniñ ras-ötirigin tekseredi.

Joba Qazaqstandağı media sauattılıqtı damıtuğa bağıttalıp otır. Factcheck.kz qazaq jäne orıs tilderinde jwmıs isteydi.

Rastalmağan jäne feyk aqparattarmen, qoğamdıq sananı manipulyaciyalaumen, derekterdi bwrmalaumen jäne oğan müddeli resurstarmen küresuge bağıttalğan resurs qızmeti oqırmanğa tek aşıq derek közderinen alınğan tekserilgen aqparattı aluğa, al el aldında jürgen twlğalarğa öz mälimdemelerine barınşa mwqiyat boluğa ıqpal etedi.

Joba redaktorları aqparat qwraldarında jariyalanğan qoğamdıq mañızı bar aqparattardı, derekterdi, körsetkişterdi jäne tüyinderdi twraqtı türde monitoring jasau arqılı anıqtap, tekseredi. Tekseru qorıtındısı boyınşa tekseru ädistemesin körsetip jäne däleldemelerdi wsına otırıp, «jalğan», «şındıq», «jartılay şındıq», «manipulyaciya», «ükimi joq» degen qorıtındı jasaydı. «Jobanıñ erekşeligi, oğan kez kelgen adam qatısa aladı.

«Derekterdiñ ras-ötirigin tekseru bügingi küni asa özekti, öytkeni biz şındıqtan keyingi şındıq, feyk jäne  manipulyaciya aqparat däuirinde ömir sürip otırmız. Factcheck.kz qazaqstandıqtardıñ aqparatqa sın közben qarau qabiletin damıtuğa ıqpal etedi», – deydi Soros-Qazaqstan Qorı Basqarma Törağası Anton Artem'ev.

Factcheck.kz täuelsiz faktçeking jobası, ol sayasi jäne basqa da «lager'lerden» tıs. Jwmıs barısında ob'ektivtilikke jäne bwra tartpauğa asa qattı män beriledi. Kez kelgen twlğa, BAQ jäne wyım jariyalağan aqparat tekserilui mümkin. Tek qana jariya bolğan faktiler ğana zertteu nısanı bola aladı. Oy-pikir, boljam jäne twspal zertteu nısanı bola almaydı.

Bağa beru barısında redakciya Halıqaralıq faktçeking jelisiniñ (IFCN) principterine süyenedi, ol derek közderiniñ aşıqtığına, bwra tartpauğa, ädisteme men qarjılandırudıñ aşıqtığına negizdelgen. Talas-tartıs tuındağan jağdayda Factcheck.kz kontrargumentterdi qarastıruğa, sonday-aq, ekspertterden jwmısşı tobın qwrıp, ükimdi qayta qarauğa dayın.

Factcheck.kz jobasın MediaNet Halıqaralıq jurnalistika ortalığı Soros-Qzaqstan Qorınıñ qoldauımen jüzege asıradı.

“The Qazaq Times”