ورتالىق ازيا كولەمىندەگى العاشقى بىرەگەي جوبا بۇقارالىق اقپارات قۇرالدارىندا، الەۋمەتتىك جەلىدە، مەسسەندجەرلەردە جارىق كورگەن قوعامدىق ماڭىزى بار اقپاراتتىڭ، ەل الدىندا جۇرگەن ازاماتتار مەن قوعامدىق ۇيىمداردىڭ مالىمدەمەلەرىنىڭ راس-وتىرىگىن تەكسەرەدى.

جوبا قازاقستانداعى مەديا ساۋاتتىلىقتى دامىتۋعا باعىتتالىپ وتىر. Factcheck.kz قازاق جانە ورىس تىلدەرىندە جۇمىس ىستەيدى.

راستالماعان جانە فەيك اقپاراتتارمەن، قوعامدىق سانانى مانيپۋلياتسيالاۋمەن، دەرەكتەردى بۇرمالاۋمەن جانە وعان مۇددەلى رەسۋرستارمەن كۇرەسۋگە باعىتتالعان رەسۋرس قىزمەتى وقىرمانعا تەك اشىق دەرەك كوزدەرىنەن الىنعان تەكسەرىلگەن اقپاراتتى الۋعا، ال ەل الدىندا جۇرگەن تۇلعالارعا ءوز مالىمدەمەلەرىنە بارىنشا مۇقيات بولۋعا ىقپال ەتەدى.

جوبا رەداكتورلارى اقپارات قۇرالدارىندا جاريالانعان قوعامدىق ماڭىزى بار اقپاراتتاردى، دەرەكتەردى، كورسەتكىشتەردى جانە تۇيىندەردى تۇراقتى تۇردە مونيتورينگ جاساۋ ارقىلى انىقتاپ، تەكسەرەدى. تەكسەرۋ قورىتىندىسى بويىنشا تەكسەرۋ ادىستەمەسىن كورسەتىپ جانە دالەلدەمەلەردى ۇسىنا وتىرىپ، «جالعان»، «شىندىق»، «جارتىلاي شىندىق»، «مانيپۋلياتسيا»، «ۇكىمى جوق» دەگەن قورىتىندى جاسايدى. «جوبانىڭ ەرەكشەلىگى، وعان كەز كەلگەن ادام قاتىسا الادى.

«دەرەكتەردىڭ راس-وتىرىگىن تەكسەرۋ بۇگىنگى كۇنى اسا وزەكتى، ويتكەنى ءبىز شىندىقتان كەيىنگى شىندىق، فەيك جانە  مانيپۋلياتسيا اقپارات داۋىرىندە ءومىر ءسۇرىپ وتىرمىز. Factcheck.kz قازاقستاندىقتاردىڭ اقپاراتقا سىن كوزبەن قاراۋ قابىلەتىن دامىتۋعا ىقپال ەتەدى»، – دەيدى سوروس-قازاقستان قورى باسقارما توراعاسى انتون ارتەمەۆ.

Factcheck.kz تاۋەلسىز فاكتچەكينگ جوباسى، ول ساياسي جانە باسقا دا «لاگەرلەردەن» تىس. جۇمىس بارىسىندا وبەكتيۆتىلىككە جانە بۇرا تارتپاۋعا اسا قاتتى ءمان بەرىلەدى. كەز كەلگەن تۇلعا، باق جانە ۇيىم جاريالاعان اقپارات تەكسەرىلۋى مۇمكىن. تەك قانا جاريا بولعان فاكتىلەر عانا زەرتتەۋ نىسانى بولا الادى. وي-پىكىر، بولجام جانە تۇسپال زەرتتەۋ نىسانى بولا المايدى.

باعا بەرۋ بارىسىندا رەداكتسيا حالىقارالىق فاكتچەكينگ جەلىسىنىڭ (IFCN) پرينتسيپتەرىنە سۇيەنەدى، ول دەرەك كوزدەرىنىڭ اشىقتىعىنا، بۇرا تارتپاۋعا، ادىستەمە مەن قارجىلاندىرۋدىڭ اشىقتىعىنا نەگىزدەلگەن. تالاس-تارتىس تۋىنداعان جاعدايدا Factcheck.kz كونترارگۋمەنتتەردى قاراستىرۋعا، سونداي-اق، ەكسپەرتتەردەن جۇمىسشى توبىن قۇرىپ، ۇكىمدى قايتا قاراۋعا دايىن.

Factcheck.kz جوباسىن MediaNet حالىقارالىق جۋرناليستيكا ورتالىعى سوروس-قزاقستان قورىنىڭ قولداۋىمەن جۇزەگە اسىرادى.

“The Qazaq Times”