Foto: Kapital.kz

QR Qarjı ministrligi memleket qazınasındağı qarjını tiimsiz paydalanğan ministrlikterdiñ atın atadı. Sonımen eñ köp igerilmey qalğan qarjı Qorğanıs ministrligine tiesili. Bwl turalı Qarjı ministri Baqıt Swltanov mälimdedi. 

Vedomstvo basşısınıñ sözinşe, 2016 jılı byudjetten bölingen qarjınıñ 36 mlrd teñgesi kelisimşarttar merziminiñ özgerui men atqarılatın jwmıstardıñ belgilengen merzimnen keşiguine baylanıstı igerilmey qalğan.

Eñ köp igerilmey qalğan qarjı Qorğanıs ministrligine tiesili - 29 mlrd teñge, İşki ister ministrligi - 1,2 mlrd teñge, bilim jäne ğılım ministrligi - 1 mlrd teñge, Sırtqı ister ministrligi - 920,2 mln teñge, Auıl şaruaşılığı ministri - 870,2 mln teñge, Ädilet ministrligi - 759 mln teñge."Byudjet aqşasın tiimsiz paylanu deñgeyi 2015 jılmen salıstırğanda 2016 jılı 1,7 esege azaydı", - dep atap ötti Baqıt Swltanov. Ministrdiñ sözinşe, byudjetke tüsken tüsim 7,7 trln teñgeni qwradı. Şığın 8,5 trln teñge bolsa, byudjet tapşılığı 741 mlrd teñge bolğan. Bwl jospardağı körsetkişten 161,5 mlrd teñgege tömen.

"Negizgi ayta ketetin jayt, 2015 jılmen salıstırğanda ötken jılı kiris 1 078 mlrd teñgege nemese 30,8%-ğa köbirek. Al şığındar 2015 jılmen salıstırğanda 1 338 mlrd teñgege köp boldı. JİÖ-ge qatıstı byudjet tapşılığı 1,6%-dı qwradı. Bizdegi jospar 2% bolğan. Kiristerdi artıq orındau nätijesinde 158,4 mlrd teñge kölemindegi qolma-qol aqşa qaldıqtarı jinaqtaldı", - dep tüsindirdi ministrlik basşısı.

Öz kezeginde Qorğanıs ministriniñ orınbasarı Talğat Mwhtarov 29 mlrd teñgeniñ ne üşin igerilmey qalğanın ayttı.

"Qarajat naqtı sebeptermen igerilmey qaldı. Bwl qarjı IL-76 äskeri-transporttıq wşağın satıp aluğa jwmsalu kerek edi. Alayda wşaq bağasınıñ qımbattap ketuine baylanıstı satıp aludan bas tartu turalı şeşim qabıldandı", - dedi Mwhtarov.

Onıñ sözinşe, qalğan qarjı memleketqazınasına qaytarılğan.

“The Qazaq Times”