Asanäli Äşimov «Qazaqstannıñ Eñbek Eri» atandı. Aqorda.

QR prezidenti Nwrswltan Nazarbaevtıñ jarlığımen teatr jäne kino akteri, rejisser Asanäli Äşimovke "Qazaqstannıñ Eñbek Eri" atağı berildi. 

Qazaqstan teatrlar associaciyasınıñ prezidenti, Mwhtar Äuezov atındağı Qazaq memlekettik akademiyalıq drama teatrınıñ körkemdik jetekşisi Asanäli Äşimovtıñ 80 jıldıq mereytoyına oray 17-26 mausım aralığında Astana qalasında İ Halıqaralıq teatr festivali ötkiziledi. Mädeni şara QR Mädeniet jäne sport ministrliginiñ qoldauımen wyımdastırılıp otır.

Asanäli Äşimov — qazaq kinosın älemdik deñgeyge kötergen akterlerdiñ biri bolıp esepteledi. Onıñ kinodağı Bekejan (“Qız Jibek”, 1971), Şadiyarov (“Atamannıñ aqırı”, 1971, Qazaqstan memlekettik sıylığınıñ, 1972), Mämbet (“Sarqırama”, 1973), Qasımhanov (“Transsibir ekspresi”, 1977, bükilodaqtıq 11-kinofestival'diñ jüldesi, 1978), Kemel (“Nan dämi”), Nwrğazı (“Alataudıñ ay müyizi”), Qarajal (“Jauşı”, 1980), Şıñğıs han (“Bwlğar dalasınan esken jılı jel”, 1998) rölderi nağız akterlik şeberliktiñ ülgisi ispetti.

Akterdiñ önerine arnalğan “Asanäli” derekti fil'mi (1986, rej. I. A. Vovnyanko) tüsirildi. 1990 jıldan “Elim-ay” kinostudiyasınıñ prezidenti. “Parasat” jäne basqa da ordendermen marapattalğan.

“The Qazaq Times”