ءاسانالى ءاشىموۆ «قازاقستاننىڭ ەڭبەك ەرى» اتاندى

قر پرەزيدەنتى نۇرسۇلتان نازارباەۆتىڭ جارلىعىمەن تەاتر جانە كينو اكتەرى، رەجيسسەر ءاسانالى اشىموۆكە "قازاقستاننىڭ ەڭبەك ەرى" اتاعى بەرىلدى. 

قازاقستان تەاترلار اسسوتسياتسياسىنىڭ پرەزيدەنتى، مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى ءاسانالى ءاشىموۆتىڭ 80 جىلدىق مەرەيتويىنا وراي 17-26 ماۋسىم ارالىعىندا استانا قالاسىندا ءى حالىقارالىق تەاتر فەستيۆالى وتكىزىلەدى. مادەني شارا قر مادەنيەت جانە سپورت مينيسترلىگىنىڭ قولداۋىمەن ۇيىمداستىرىلىپ وتىر.

ءاسانالى ءاشىموۆ — قازاق كينوسىن الەمدىك دەڭگەيگە كوتەرگەن اكتەرلەردىڭ ءبىرى بولىپ ەسەپتەلەدى. ونىڭ كينوداعى بەكەجان (“قىز جىبەك”، 1971), شادياروۆ (“اتاماننىڭ اقىرى”، 1971, قازاقستان مەملەكەتتىك سىيلىعىنىڭ، 1972), مامبەت (“سارقىراما”، 1973), قاسىمحانوۆ ء(“ترانسسىبىر ەكسپرەسى”، 1977, بۇكىلوداقتىق 11-كينوفەستيۆالدىڭ جۇلدەسى، 1978), كەمەل (“نان ءدامى”), نۇرعازى (“الاتاۋدىڭ اي ءمۇيىزى”), قاراجال (“جاۋشى”، 1980), شىڭعىس حان (“بۇلعار دالاسىنان ەسكەن جىلى جەل”، 1998) رولدەرى ناعىز اكتەرلىك شەبەرلىكتىڭ ۇلگىسى ىسپەتتى.

اكتەردىڭ ونەرىنە ارنالعان ء“اسانالى” دەرەكتى ءفيلمى (1986, رەج. ي. ا. ۆوۆنيانكو) ءتۇسىرىلدى. 1990 جىلدان “ەلىم-اي” كينوستۋدياسىنىڭ پرەزيدەنتى. “پاراسات” جانە باسقا دا وردەندەرمەن ماراپاتتالعان.

“The Qazaq Times”