"Qız Jibek" etno-fol'klorlıq myuziklinen bir körinis. Foto: Baspasöz qızmeti.

Keşe II Düniejüzilik «Astana» teatr festivaliniñ alğaşqı qoyılımı körermen nazarına wsınıldı. Festival'diñ şımıldığın "Astana Myuzikl" memlekettik teatrı "Qız Jibek" etno-fol'klorlıq myuziklimen aştı.

Qoyılımdı qalıñ köpşilikpen qatar Qazaqstan teatrları qauımdastığınıñ prezidenti, "Qazaqstannıñ eñbek eri" Asanäli Äşimov, Qazaqstannıñ xalıq ärtisi Meruert Ötekeşova, Europa men Aziyanıñ belgili teatr sınşıları men dramaturgteri Ionas Vaytkus, Franciyadan arnayı kelgen David Asatiani, teatrtanuşı Amankeldi Mwqan tamaşaladı.

"Qazaqkoncert" MKW janınan qwrılğan teatrdıñ repertuarında otandıq jäne älemdik myuziklder bar. Al bastı qoyılımdarınıñ biri " Qız Jibek" etno-fol'klorlıq myuzikli. Qoyuşı-rejisser teatrdıñ körkemdik jetekşisi, M.Äuezov atındağı Qazaq memlekettik akademiyalıq drama teatrınıñ direktorı Asxat Maemirov. Atalğan myuzikl europanıñ Franciya, Belgiya, Avstriya, jäne Resey körermenderin tañqaldırıp wlgergen.

Ayta keteyik, Astananıñ 20 jıldıq mereytoyınıñ ayasında ötip jatqan teatr festivaliniñ aşılu saltanatı bügin " Qazaqstan" OKZ-da sağat 16:00-de bastaladı. Festival'ğa şeteldik jäne otandıq teatrlar qatısadı. Eki aptağa sozılatın teatr merekesiniñ qarsañında 12 memleketten kelgen älemdik teatr wjımdarı öner körsetedi. Olar: «Piccolo di Milano» teatrı (Italiya), «1927» teatrı (Wlıbritaniya), «Meno Fortas» (Litva), «Warszawa» (Pol'şa), «Nakamura Gekijo» (Japoniya), Täuelsiz internacionaldı «11» teatrı (Germaniya), Ş.Rustaveli atındağı Gruziya memlekettik akademiyalıq teatrı (Gruziya), Beyjiñ halıqtıq körkem teatrı (Qıtay), Özbek wlttıq akademiyalıq drama teatrı (Özbekstan), Lensovet atındağı Sankt-Peterburg akademiyalıq teatrı, Mäskeu guberniyalıq teatrı (Resey), Ş.Termiçikov atındağı Şu oblıstıq teatrı(Qırğızstan), T.Abdumomunov atındağı Akademiyalıq drama teatrı (Qırğızstan).

Otandıq teatrlardan M.Äuezov atındağı Qazaq memlekettik akademiyalıq drama teatrı, Q.Quanışbaev atındağı Memlekettik akademiyalıq qazaq muzıkalıq drama teatrı, Ğ.Müsirepov atındağı Qazaq memlekettik akademiyalıq balalar men jasöspirimder teatrı, «Astana Musical» qatısadı. Barlığı– 17 teatr, 18 spektakl'. Atalğan is şaranıñ bastı qonağı - Oskar sıylığınıñ iegeri düniejüzine belgili kino jäne teatr aktrisası Jyul'et Binoş.

Auqımdı is şaranı QR Mädeniet jäne sport ministrligi wyımdastıruımen " Qazaqkoncert" Memlekettik koncerttik wyımı jäne Qazaqstan teatrları qauımdastığı ötkizude.

“The Qazaq Times”