Halıqaralıq qwqıq qorğau wyımı: Ämin Eleusinovtıñ sottaluında sayasi astar bar

Human Rights Watch halıqaralıq qwqıq qorğau wyımı Aqtaudağı mwnayşılar käsipodağınıñ basşısı Ämin Eleusinovtıñ sottaluına qarsı.

Human Rights Watch qwqıq qorğau wyımınıñ Ortalıq Aziya elderi boyınşa sarapşısı Mira Rittman «Eleusinovtıñ eki jıl bas bostandığınan ayırıluınıñ sayasi astarı bar. Käsipodaq jıyındarın ötkizuge kedergi jasau, odaq basşıların türmege toğıtu, mwnıñ barlığı adam qwqığın şekteu ekendigin Qazaqstan biligi bilui tiis.  Ämin Eleusinov Qazaqstanda soñğı eki ayda sottalıp otırğan ekinşi käsipodaq basşısı. Bwğan deyin Nwrbek Qwşaqbaev eki jarım jılğa sottalğan bolatın. Eleusinov pen Qwşaqbaevtıñ kinäsiz, olardıñ bar jazığı qarapayım jwmısşılardıñ sözin söylegenderinde.» dedi jurnalister aldında söylegen sözinde.

Bwdan bölek Eleusinovtıñ sottaluına  Halıqaralıq käsipodaqtar konfederaciyasıda öziniñ alañdauşılığın bildirgen.

16 mamır küni käsipodaq basşısı Ämin Eleusinovtı Astana qalasınıñ Almatı audandıq sotı käsipodaq qarjısın jımqırdı degen ayıppen eki jılğa bas bostandığınan ayırğan.

Esteriñizge salayıq 2017 jıldıñ qañtar ayında Ämin Eleusinov pen Nwrbek Qwşaqbaevtıñ wyımdastıruımen Aqtauda «Qazaqstannıñ täuelsiz käsipodaqtar konfederaciyasınıñ» jabıluına qarsı mwnayşılar aştıq jariyalağan. Osığan baylanıstı 20 qañtarda Eleusinov pen Qwşaqbaev Aqtau qalasında twtqındalıp, Astana qalasına jetkizilgen. Keyinen olarğa käsipodaq qarjısın jımqırdı degen ayıp tağılıp, qamauğa alınğan bolatın.

“The Qazaq Times”