Bügin QR Wlttıq ekonomika ministri Timur Süleymenov Ükimet otırısında Qazaqstannıñ memlekettik qarızınıñ qanşa ekenin ayttı.
"1 mamırdağı jağday boyınşa, Qazaqstanıñ memlekettik qarızı biz josparlağan deñgeyde anıqtaldı. Qarız qauipsiz deñgeyde, 12,3 trln teñgeni nemese Jalpı işki önimniñ 24,6%-ın qwraydı", – dedi Timur Süleymenov.
Onıñ sözinşe, 2017 jıldıñ tört ayınıñ qorıtındısı boyınşa ekonomikağa ıqpal etetin ülken salalarda investiciyalıq belsendilik pen ösim bayqaladı.
"Şın mäninde körsetkiş 2,2%-ğa östi, qazir 92,7 mlrd teñgeni qwrap otır", - dedi ministr.
Aldın ala mälimetter boyınşa qañtar-säuir ayında JİÖ ösimi 3,7%-ğa deyin jıldamdağan. Sonday-aq, Timur Suleymenov Ükimet otırısında alğaşqı tört aydağı pozitivti dinamika illyuziyağa aynalmau kerektigin jäne ösim eşbir memlekettik apparattıñ kömeginsiz saqtaluı mümkin ekenin atap ötti.
Eske salayıq, bwğan deyin 2016 jılı Qazaqstannıñ sırtqı qarızı 9%-ğa köbeyip, 13,9 mlrd dollardı qwrağanın, al osı jıldıñ birinşi toqsanındağı esepke män bersek, qarız soması 13,8 mlrd dollar degen körsetkişke ie bolğanın aytqan edik.
Jalpı memlekettik qarız ben sırtqı qarız eki bölek närse. Memlekettik qarız - bwl bwl ötken jıldardağı jalpı jinalğan byudjet tapşılığınıñ soması. Al sırtqı qarız - memlekettiñ ötelmegen qarızdarı, mindettemeleri, nesieleri jäne olarğa baylanıstı tölenbegen payızdarı boyınşa bereşeginiñ jalpı soması nemese basqa elderden memlekettik byudjettiñ deficitin jabu üşin alınatın qarız.
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
Qarağayğa qarsı bwtaq. Dumannıñ sot tergeui ayaqtaldı. 29 şilde jarıssöz.
Qosay Mahambaev: oq tigen adamdı qwtqaram degende özimdi atıp tastadı