Foto: https://zonakz.net

Parlament mäjilisiniñ jalpı otırısında QR prem'er-ministriniñ birinşi orınbasarı, Qarjı ministri Älihan Smayılov memleket qarızı turalı mälimdedi.

Ä.Smayılov: «Esepti talqılau kezinde memlekettik qarızdıñ ösuine jäne kvazimemlekettik sub'ektilerdiñ borışına barınşa nazar audarıldı.Ükimet aldındağı bastı mindet - ol memlekettik qarız  kölemin qauipsiz deñgeyde saqtau. Ol üşin, biz byudjettiñ kütiletin kiristerin jäne äleumettik tölemderdiñ ösuin eskere otırıp, on jıldıq kezeñge ıqtimal qarız jüktemesin esepteymiz», QR Ükimetiniñ 2018 jılğı respublikalıq byudjettiñ atqarıluı turalı esebin tanıstıru kezinde. «Memlekettik qarız esepti jıldıñ soñında tömen deñgeyde qalıp otır. Onıñ mölşeri  jalpı işki önimge şaqqanda 25,8%-dı qwradı», – dedi.

Bwdan bwrın habarlanğanday, ötken jılı respublikalıq byudjet şığıstarı 99,8%-ğa orındalğan. Respublikalıq byudjettiñ äleumettik şığıstarınıñ ülesi 44% bolğan.

Osığan deyin prem'er-ministriniñ birinşi orınbasarı «Kirister 2,3 %-ğa artığımen orındaldı. Byudjetke 5,8 trln teñge tüsti. Salıqtar 2017 jılmen salıstırğanda, 17,5%-ğa ösip, 846 mlrd teñge köleminde byudjetke qosımşa jinalğan. Respublikalıq byudjettiñ äleumettik şığıstarınıñ ülesi 44% bolğan», – dep mälimdegen bolatın. Al Wlttıq bank mälimetinşe, Qazaqstannıñ sırtqı qarızı 158 mlrd 800 mln AQŞ dollarına jetken.

"The Qazaq Times"