قازاقستاننىڭ مەملەكەتتىك قارىزى 12 ترلن تەڭگەدەن اسادى

"1 مامىرداعى جاعداي بويىنشا، قازاقستانىڭ مەملەكەتتىك قارىزى ءبىز جوسپارلاعان دەڭگەيدە انىقتالدى. قارىز قاۋىپسىز دەڭگەيدە، 12,3 ترلن تەڭگەنى نەمەسە جالپى ىشكى ءونىمنىڭ 24,6%-ىن قۇرايدى", – دەدى تيمۋر سۇلەيمەنوۆ.

ونىڭ سوزىنشە، 2017 جىلدىڭ ءتورت ايىنىڭ قورىتىندىسى بويىنشا ەكونوميكاعا ىقپال ەتەتىن ۇلكەن سالالاردا ينۆەستيتسيالىق بەلسەندىلىك پەن ءوسىم بايقالادى.

"شىن مانىندە كورسەتكىش 2,2%-عا ءوستى، قازىر 92,7 ملرد تەڭگەنى قۇراپ وتىر", - دەدى مينيستر.

الدىن الا مالىمەتتەر بويىنشا قاڭتار-ءساۋىر ايىندا ءجىو ءوسىمى 3,7%-عا دەيىن جىلدامداعان. سونداي-اق، تيمۋر سۋلەيمەنوۆ ۇكىمەت وتىرىسىندا العاشقى ءتورت ايداعى ءپوزيتيۆتى ديناميكا يلليۋزياعا اينالماۋ كەرەكتىگىن جانە ءوسىم ەشبىر مەملەكەتتىك اپپاراتتىڭ كومەگىنسىز ساقتالۋى مۇمكىن ەكەنىن اتاپ ءوتتى.

ەسكە سالايىق، بۇعان دەيىن 2016 جىلى قازاقستاننىڭ سىرتقى قارىزى 9%-عا كوبەيىپ، 13,9 ملرد دوللاردى قۇراعانىن، ال وسى جىلدىڭ ءبىرىنشى توقسانىنداعى ەسەپكە ءمان بەرسەك، قارىز سوماسى 13,8 ملرد دوللار دەگەن كورسەتكىشكە يە بولعانىن ايتقان ەدىك.

جالپى مەملەكەتتىك قارىز بەن سىرتقى قارىز ەكى بولەك نارسە. مەملەكەتتىك قارىز - بۇل بۇل وتكەن جىلدارداعى جالپى جينالعان بيۋدجەت تاپشىلىعىنىڭ سوماسى. ال سىرتقى قارىز - مەملەكەتتىڭ وتەلمەگەن قارىزدارى، مىندەتتەمەلەرى، نەسيەلەرى جانە ولارعا بايلانىستى تولەنبەگەن پايىزدارى بويىنشا بەرەشەگىنىڭ جالپى سوماسى نەمەسە باسقا ەلدەردەن مەملەكەتتىك بيۋدجەتتىڭ دەفيتسيتىن جابۋ ءۇشىن الىناتىن قارىز.

"The Qazaq Times"