Foto: aşıq derekköz

Beysenbi küni jalpı otırıs barısında senat 2021 jılğa arnalğan respublikalıq byudjettiñ naqtılanğan nwsqasın qabıldadı. Qwjatta şığıstardı 1,3 trln teñgege wlğaytu közdelgen. Alayda memlekettik qarız ösip kele jatır.

Respublikalıq byudjet şığıstarınıñ ösui dästürli türde Wlttıq qordan 850,0 mlrd teñge somasında transfert esebinen jäne tapşılıq köleminiñ 2 trln 760 mlrd teñgege deyin nemese JİÖ-ge 3,5%-ğa deyin wlğayğan.

Jergilikti atqaruşı organdardıñ qarjılıq borışı 4 donor-öñirdi qospağanda bir jıl işinde 2 esege ösken. Olardıñ mindettemeleri respublikalıq byudjetke auır jükteme boluı mümkin.

Jalpı 2021 jılğa arnalğan byudjet şığıstarı 1,3 trln teñgege wlğaytılıp, 15,3 trln teñge boldı. Onıñ işinde «Nwr Otan» partiyasınıñ saylaualdı bağdarlamasın iske asıruğa – 844,4 mlrd teñge, koronaviruspen küreske bağıttalğan is-şaralarğa – 265,3 mlrd teñge, onıñ işinde medicina qızmetkerlerine qosımşa aqı töleuge – 69,5 mlrd teñge, ükimet rezervin wlğaytuğa – 100 mlrd teñge, immundıq-biologiyalıq preparattar şığaratın biofarmacevtikalıq zauıt qwrılısın ayaqtauğa – 1,5 mlrd teñge, Sovid-19 infekciyasına qarsı otandıq kandidattıq vakcinanıñ subbirlikti jäne belsendiligi joyılğan klinikalıq zertteuleriniñ I/II jäne III fazaların jürgizuge – 1,4 mlrd teñge. Sonday-aq, prezident Toqaevtıñ Qazaqstan halqına joldaularında berilgen tapsırmaların iske asıruğa – 154,6 mlrd teñge jäne memlekettiñ bwrın qabıldanğan mindettemelerin iske asıruğa – 182,7 mlrd teñge bölindi.

Biılğı jıldıñ qorıtındısı boyınşa Ükimet Qazaqstan JİÖ-niñ 3,1% deñgeyinde, nominaldı JİÖ-niñ 77 869 mlrd teñgege ösedi deydi. Bwl cifrlar maqwldanğan boljamnan 1 207 mlrd teñgege joğarı, halıqtıñ jan basına şaqqandağı JİÖ – 9 655 mıñ AQŞ dolları.

"The Qazaq Times"