ەۋروپاداعى سوعىستىڭ الدىن الۋ بويىنشا ديپلوماتيالىق تالپىنىستار ناتيجە بەرمەدى. فوتو: AP

كەشە، 13 قاڭاتاردا وتكەن ەۋروپا ىنتىماقتاستىق قاۋىپسىزدىك ۇيىمى مەن رەسەي ورتاسىنداعى ۋكراينا شىعىسىنداعى قاۋىپتى سەيتىلتۋ بويىنشا سويلەسۋلەر ەشقانداي ناتيجە بەرمەدى. بۇل تۋرالى كەلىسسوزگە قاتىسقان ەكى ەلدىڭ وكىلدەرى دە مويىندادى. اقش دەلەگاتسياسىن باسقارعان ۆەندي شەرمان «رەسەيدىڭ كەيبىر تالاپتارى ءبىز ءۇشىن جارامسىز» دەگەن پىكىرىن ايتتى. ماسكەۋ تارابى ناتو شىعىسقا كەڭەيمەۋى جانە ەشبىر پوستكەڭەستىك ەلدى مۇشەلىككە الماۋى كەرەك، ءارى بۇنى زاڭدىق تۇرعىدا بەكىتۋ ءتيىس دەگەن تالاپ قويىپ وتىر.

رەسەي مەن ەىقۇ اراسىنداعى كەلىسسوز وسى اپتادا وتكەن رەسەي-باتىس اراسىنداعى اۋقىمدى گەوساياسي داعدارىستان شىعۋ بويىنشا جاسالعان ءۇشىنشى ديپلوماتيالىق تالپىنىس ەدى. رەسەي وكىلدەرى دە اقش-رەسەي، ناتو-رەسەي جانە رەسەي-ەىقۇ اراسىنداعى كەلىسسوزدەردە پالەندەي ماڭىزدى كەلىسىمگە قول جەتكىزگە الماعانىن ايتتى، ءارى بۇدان دا تەرەڭ تالقىلاۋلاردى كۇتەتىنىن جەتكىزگەن.

ماسكەۋدىڭ كەلىسسوزدەگى وكىلى لۋكاشەۆيچ پەن وزگە دە دەگەلاگتسيا مۇشەلەرى مالىمدەمەلەرىندە رەسەيدىڭ ديپلوماتيادان باس تارتپايتىنىن كورسەتكەندەي بولدى.

دەگەنمەن، قازىر ەۋروپاداعى سوعىس قاۋپى سوڭعى 30 جىلداعى ەڭ جوعارى دەڭگەيدە تۇر. بۇل تۋرالى ەىقۇ-نىڭ كەزەكتى توراعاسى جانە پولشانىڭ ءسىم باسشىسى راۋ مالىمدەگەن.

كەلىسسوزدەن كەيىن تاراپتاردىڭ مالىمدەمەسىنە قاراعاندا، ەشبىر تاراپ كەلەسى جاققا جول بەرمەگەنىن، كەلىسسوز الدىنداعى ۇستانىمدارىنان ءالى تانباي تۇرعانىن كوردىك. ايتالىق، ناتو وكىلدەرى «ۇيىمعا مۇشە بولۋدى اركىم ءوزى شەشەدى» دەگەن سوزدەرىن قايتالاسا، رەسەي بولسا «اسكەرىمىزدى ءوز تەرريتوريامىزدا قايدا ورنالاستىرامىز ءوزىمىز بىلەمىزگە» سالىپ تۇر.

قازىر تاراپتار تىپتىدە تەرەڭ تالقىلاۋدىڭ قاجەت ەكەنىن راستاپ وتىر. تۇبەگەيلى ناتيجەسىز بولسا شيەلەنىس سوڭى سوعىسقا ۇلاسۋى دا عاجاپ ەمەس. وندا اقش ايتقانداي كۇيرەتكىش سانكتسيالار ىسكە قوسىلسا بۇنىڭ سالدارى قازاقستانعا دا تيمەي قالمايدى.

The Qazaq Times