Europadağı soğıstıñ aldın alu boyınşa diplomatiyalıq talpınıstar nätije bermedi. Foto: AP

Keşe, 13 qañatarda ötken Europa Intımaqtastıq Qauipsizdik Wyımı men Resey ortasındağı Ukraina şığısındağı qauipti seytiltu boyınşa söylesuler eşqanday nätije bermedi. Bwl turalı kelissözge qatısqan eki eldiñ ökilderi de moyındadı. AQŞ delegaciyasın basqarğan Vendi Şerman «Reseydiñ keybir talaptarı biz üşin jaramsız» degen pikirin ayttı. Mäskeu tarabı NATO şığısqa keñeymeui jäne eşbir postkeñestik eldi müşelikke almauı kerek, äri bwnı zañdıq twrğıda bekitu tiis degen talap qoyıp otır.

Resey men EIQW arasındağı kelissöz osı aptada ötken Resey-Batıs arasındağı auqımdı geosayasi dağdarıstan şığu boyınşa jasalğan üşinşi diplomatiyalıq talpınıs edi. Resey ökilderi de AQŞ-Resey, NATO-Resey jäne Resey-EIQW arasındağı kelissözderde pälendey mañızdı kelisimge qol jetkizge almağanın ayttı, äri bwdan da tereñ talqılaulardı kütetinin jetkizgen.

Mäskeudiñ kelissözdegi ökili Lukaşeviç pen özge de degelagciya müşeleri mälimdemelerinde Reseydiñ diplomatiyadan bas tartpaytının körsetkendey boldı.

Degenmen, qazir Europadağı soğıs qaupi soñğı 30 jıldağı eñ joğarı deñgeyde twr. Bwl turalı EIQW-nıñ kezekti törağası jäne Pol'şanıñ SİM basşısı Rau mälimdegen.

Kelissözden keyin taraptardıñ mälimdemesine qarağanda, eşbir tarap kelesi jaqqa jol bermegenin, kelissöz aldındağı wstanımdarınan äli tanbay twrğanın kördik. Aytalıq, NATO ökilderi «wyımğa müşe boludı ärkim özi şeşedi» degen sözderin qaytalasa, Resey bolsa «äskerimizdi öz territoriyamızda qayda ornalastıramız özimiz bilemizge» salıp twr.

Qazir taraptar tiptide tereñ talqılaudıñ qajet ekenin rastap otır. Tübegeyli nätijesiz bolsa şielenis soñı soğısqa wlasuı da ğajap emes. Onda AQŞ aytqanday küyretkiş sankciyalar iske qosılsa bwnıñ saldarı Qazaqstanğa da timey qalmaydı.

The Qazaq Times