وسى اپتادا قازاقستاننىڭ ءبىراز ايماقتارىندا جاۋىن-شاشىننىڭ سالدارىنان وزەندەر ارناسىنان تاسىپ، كەي اۋدانداردا توتەنشە جاعدايلار ورىن العان. ال قازگيدرومەتتىڭ حابارلاۋىنشا قازاقستاننان اتموسفەرالىق فرونتتىڭ وتۋىنە بايلانىستى جاۋىن-شاشىن وسى اپتانىڭ سوڭىنا دەيىن ساقتالۋى مۇمكىن.
اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر ساقتالادى، تەك وڭتۇستىكتە، وڭتۇستىك-باتىستا جانە ورتالىقتا جاۋىن-شاشىنسىز اۋا-رايى كۇتىلەدى. رەسپۋبليكانىڭ كەي جەرلەرىندە نايزاعاي، تۇمان بولىپ، ەكپىندى جەل سوعادى، سولتۇستىكتىڭ باسىم بولىگىندە جەل كۇشەيەدى.
اتىراۋ وبلىسىنىڭ كەي جەرلەرىندە نايزاعاي كۇتىلەدى، جەل 15-20 م/س، كۇندىز جەلدىڭ ەكپىنى 17-22 م/س كۇشەيەدى. سولتۇستىك قازاقستان وبلىسىندا جەل 15-20 م/س، كەي جەرلەردە جەلدىڭ ەكپىنى 23 م/س كۇشەيەدى، جەكەلەگەن اۋدانداردا نايزاعاي كۇتىلەدى. باتىس قازاقستان، پاۆلودار، ماڭعىستاۋ وبلىستارىندا، كۇندىز جامبىل، وڭتۇستىك قازاقستان، اقتوبە وبلىستارىندا، تۇندە اقمولا وبلىستارىندا جەل 15-20 م/س كۇشەيەدى. شىعىس قازاقستان، قوستاناي وبلىستارىنىڭ كەي جەرلەرىندە جەل 15-20 م/س كۇشەيىپ، تۇندە جانە تاڭەرتەڭ تۇمان كۇتىلەدى. قىزىلوردا وبلىسىنداي كۇندىز شاڭدى داۋىلمەن جەل 15-20 م/س كۇشەيەدى. قاراعاندى وبلىسىنىڭ كەي جەرلەرىندە تۇمان بولادى.
"The Qazaq Times"
ابايداعى ورمان ءورتى ءىسى: احمەتوۆ، ۇرانحاەۆ، يلين جانە سۇلەيمەنوۆا تەرگەلەدى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
قازاقستان «روسكوسموستىڭ» بايقوڭىرداعى مۇلكىن بۇعاتتادى
نازارباەۆ "قۇرمەتتى سەناتور" اتاعىنان ايىرىلدى
قويان جىلى قۋانىشىمەن كەلسىن. جاڭا جىل قۇتتى بولسىن!