شانشي پروۆينتسياسىنداعى سۋ باسقان ەلدىمەكەندەرى. فوتو: RFI

قىتايدىڭ شانشي (شانسي) پروۆينتسياسىنداعى سۋ تاسقىنىنان 1,8 ملن ادام باسپاناسىن تاستاپ كەتۋگە ءماجبۇر بولدى. اتالعان پروۆينتسياداعى بىرنەشە ءىرى قالالاردى سۋ باسقانى ءمالىم، بىراق تابيعي اپاتتان قازا بولعاندار تۋرالى رەسمي مالىمەت بەرىلگەن جوق.

شانشي جەرىندە ءبىر اپتا بويى تولاسسىز جاۋعان نوسەردىڭ سوڭى اۋىر سۋ تاسقىنىنا الىپ كەلدى. پروۆينتسيادا سەلگە قارسى الدىن الۋ شارالارى بۇرىنعىدان دا جوعارى دەڭگەيدە جاسالعان، سۋ تاسقىنى قاتەرىندەگى ەلدىەكەندەر مەن قالا-قالاشىقتاردىڭ ماڭىندا سۋ بوگەتتەرى، ارىق-توعاندار جاسالعان. بىراق ەكپىندى سەل ءبارى بىردەي كوپ جەردەگى توسپا-بوگەتتى جىرىپ كەتتى.

قازىرگە دەيىن شانشي پروۆينتسياسىنىڭ 70-تەن استام اۋدانى سۋ تاسقىنىنان زارداپ شەكتى، كەي وڭىرلەردە تولاسسىز نوسەردەن جەر كوشكىنى دە بولعان.

قىتايدىڭ ىشكى پروۆينتسيالارىنداعى سۋ تاسقىنىنىڭ اۋىر سالدارى ەنەرگەتيكانىڭ داعدارىسىنا الىپ كەلۋى مۇمكىن دەگەن بولجامدار دا بار. سەبەبى تاسقىن قاتەرىنە بايلانىستى ۇكىمەت تارابى بىرقاتار پروۆينتسيالارداعى تاۋ-كەن شاحتالارىنىڭ جۇمىسىن توقتاتتى. ولاردىڭ اراسىندا قالالاردى ەلەكتر قۋاتىمەن قامداۋعا قاجەتتى كومىر شاحتالارى دا بار.

The Qazaq Times