قازاقستان پرەزيدەنتى قاسىم-جومارت توقاەۆ 19-20 مامىردا تاجىكستانعا رەسمي ساپارمەن بارىپ، ەمومالي راحمونمەن كەلىسسوزدەر جۇرگىزەدى. بۇل تۋرالى پرەزدەنتتىڭ ءباسپاسوز حاتشىسى بەرىك ءۋالي مالىمدەدى.
ساپار بارىسىندا ەكى مەملەكەت باسشىلارىنىڭ شاعىن جانە كەڭەيتىلگەن فورماتتاعى كەزدەسۋلەرى جوسپارلانعان. كەلىسسوزدەردىڭ كۇن تارتىبىندە ساياسي ديالوگتى ودان ءارى نىعايتۋ، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ءوزارا ءىس-قيمىلدى ارتتىرۋ جانە قازاقستان-تاجىكستان ستراتەگيالىق ارىپتەستىگىن دامىتۋ ماسەلەلەرى باستى نازاردا بولماق. سونىمەن قاتار وڭىرلىك كووپەراتسيانى جانداندىرۋعا، ورتالىق ازياداعى تۇراقتىلىق پەن قاۋىپسىزدىكتى قامتاماسىز ەتۋ تالقىلانادى، دەيدى بەرىك ءۋالي.
2019 جىلى ماۋسىمدا توقاەۆ تاجىكستاندا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) سامميتىندە راحمونمەن كەزدەسكەن. ءوز كەزەگىندە تاجىكستان پرەزيدەنتى قازاقستانعا 2018 جىلى ناۋرىزدا ىسساپارمەن كەلگەن.
كورشىلەس قىرعىزستان مەن تاجىكستان شەكاراسىنداعى قاقتىعىس ورتا ازيا ەلدەرىن بەي-جاي قالدىرعان جوق. وتكەن اپتادا ەكى ەل شەكاراسىندا تۇرعىندار، اسكەري قىزمەتكەرلەر اراسىندا بولعان قاقتىعىستان جيىرما شاقتى ادام قازا بولىپ، جۇزدەن استام ادام جاراقاتتانعان. قىرعىزستانداعى باتكەن وبلىسىنداعى قاقتىعىس اۋماعىنان 30 مىڭنان استام تۇرعىن قاۋىپسىز جەرگە كوشىرىلگەن. 29 ساۋىردە شەكاراداعى جاعداي ۋشىعىپ، ەكى ەلدىڭ اسكەري قىزمەتكەرلەرى اراسىندا اتىس بولعان. سول كۇنى كەشكە تاراپتار اتىستى توقتاتۋعا كەلىسكەنمەن، اتىس جەكەلەگەن جەرلەردە 1 مامىرعا دەيىن جالعاستى. بىشكەكتە تاجىك اسكەريلەرى ققاتىعىس كەزىندە پۋلەمەت، مينومەت جانە مي-24 اسكەري تىكۇشاقتارىن قولدانعان. رەسمي مالىمەتتەر بويىنشا، تاجىكستانمەن شەكاراداعى قاقتىعىس سالدارىنان قىرعىزستاننىڭ 36 تۇرعىنى قازا تاۋىپ، 150-گە جۋىق ادام زارداپ شەككەن. قاقتىعىس كەزىندە رەسپۋبليكادا جۇزدەن استام عيمارات، ونىڭ ىشىندە ەكى مەكتەپ، ءۇش شەكارا زاستاۆاسى، بالاباقشا، ءورت ءسوندىرۋ ءبولىمى، ميليتسيا بولىمشەسىنىڭ عيماراتى، سونداي-اق جۇزدەن استام ءبىر قاباتتى تۇرعىن ءۇي ورتەنگەن.
بۇد ماسەلەدە قازاقستان پرەزيدەنتى قاسىم-جومارت توقاەۆ ەكى ەل شەكاراسىنداعى جاعدايدى رەتتەۋگە قول ۇشىن بەرۋگە دايىن ەكەنىن مالىمدەدى. ول مالىمدەمەسىندە: «ءوز تاراپىمنان ماسەلەنى شەشۋدىڭ ءتيىمدى جولدارىن قاراستىرۋعا جانە ءوزارا سەنىمدى قايتا قالپىنا كەلتىرۋگە كۇش سالۋعا دايىنمىن. ورتالىق ازيا مەملەكەتتەرى باسشىلارىنىڭ كەزەكتى كونسۋلتاتيۆتىك كەزدەسۋى اياسىندا مۇنداي شەكارالىق قاقتىعىستاردى رەتتەۋدىڭ تەتىكتەرىن قاراستىرۋ قاجەت دەپ سانايمىن»، – دەدى. شەكاراداعى قارۋلى قاقتىعىستى «قاتتى الاڭداۋشىلىقپەن» قابىلداعانىن جەتكىزگەن توقاەۆ ەكى ەلدىڭ اتىستى توقتاتىپ، كەلىسسوز باستاۋ نيەتىن قۇپتادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟