وڭتۇستىك كورەيا بيلىگى جاپونيانى حالىقارالىق سوتقا بەرمەك. بۇعان توكيونىڭ «فۋكۋسيما-1» اتوم ەلەكتر ستانتسياسىندا جينالىپ تۇرعان راديواكتيۆتى سۋدى مۇحيتقا توگۋ تۋرالى شەشىمى سەبەپ بولعان.
كەشە جاپونيا پرەمەر-ءمينيسترى ەسيحيدە سۋگا ۇكىمەت وتىرىسىندا قالدىق سۋدى مۇحيتقا توگۋ اتوم ەلەكتر ستانتسياسىن ىستەن شىعارۋدىڭ ەڭ وڭتايلى جولى دەپ مالىمدەگەن. ونىڭ ايتۋىنشا، پروتسەسس بارىسىندا سۋ دەڭگەيى ەسكەرىلەدى.
بۇعان وڭتۇستىك كورەيا، قىتاي، سونداي-اق جەرگىلىكتى بالىقشىلاردىڭ كاسىپوداقتارى دا نارازىلىق ءبىلدىردى. ال ماگاتە جاپون ۇكىمەتىنىڭ بۇل شەشىمىنە قولاۋ ءبىلدىرىپ، ونى اتوم ەلەكتر ستانتسياسىن قالدىق سۋدان تازارتۋ پروتسەسىنە ۇقساتتى.
توكيو رەسمي مالىمدەمە جاساعاننان كەيىن وڭتۇستىك كورەيا پرەزيدەنتى مۋن چجە ين نارازىلىق نوتاسىن جاپونيانىڭ وسى ەلدەگى ەلشىسىنە تابىستادى. وڭتۇستىك كورەيا پرەزيدەنتى ءوفيسىنىڭ رەسمي وكىلى كان مين سوك: «پرەزيدەنت مۋن چجە ين جاپونيانىڭ اتوم ستانتسياسىنداعى زياندى سۋدى مۇحيتقا جىبەرۋ تۋرالى شەشىمىن تەڭىز قۇقىعى جونىندەگى حالىقارالىق سوتقا بەرۋ جولدارىن قاراستىرۋدى تاپسىردى. ءبىزدىڭ ەلگە بۇدان قاۋىپ وتە كوپ. سەبەبى جاپونيا وڭتۇستىك كورەياعا گەولوگيالىق تۇرعىدا ەڭ جاقىن مەملەكەت جانە بىزگە ورتاق تەڭىز بار»، – دەيدى.
2011 جىلى كۇشتى جەر سىلكىنىسى مەن سودان تۋىنداعان ءتسۋناميدىڭ سالدارىنان اتوم ەلەكتر ستانتسياسىندا ءىرى اپات بولىپ، سودان بەرى ستانتسيا قويماسىنداعى سۋ مولشەرى 1,25 ملن تونناعا جەتكەن. توكيو ەلەكتر ستانتسياسى وپەراتورى ءۇش رەاكتوردى سۋدىڭ كومەگىمەن سالقىنداتىپ كەلەدى. مالىمەتتەر بويىنشا، قويمالارداعى زياندى سۋدىڭ كولەمى 1 ميلليون توننادان اسادى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى