يراك ۇكىمەتى ترانسشەكارالىق وزەندەر بويىنشا تۇركيامەن ءساتتى كەلىسسوزدەر جۇرگىزگەنىن مالىمدەدى. سوڭعى جىلدارى يراكتاعى قۇرعاقشىلىق، جاۋىن-شاشىننىڭ ازايۋى ناتيجەسىندە سۋ تاپشىلىعى ەلدەگى باستى ەكولوگيالىق ماسەلەگە اينالعان بولاتىن.

يراكتىڭ سۋ رەسۋرستار مينيسترلىگى ەلدەگى ەڭ نەگىزگى تۇششى سۋ قورى سانالاتىن ەۆفرات پەن تيگر وزەندەرىنىڭ سۋ قورى بويىنشا تۇركيامەن كەلىسسوز جۇرگىزىپ كەلگەن. سۋ رەسۋرستان ءمينيسترى الي سامير جەرگىلىكتى باسىلىمدا جاساعان مالىمدەمەسىندە: «تۇركيا تارابى يراكتىڭ شەكارالىق وزەندەر بويىنشا قۇقىعىنىڭ قورعالۋىنا ءمان بەرىپ، وسى بويىنشا جاسالعان كەلىسسوزدەر ناتيجەلى بولدى»، – دەگەن. ونىڭ ايتۋىنشا تۇركيا ۇكىمەتىنىڭ يراكتىڭ سۋ رەسۋرستارىنا قول جەتىمدىلىگىنە مۇمكىندىك بەرۋ عاسىرلىق ماسەلەلەرگە وڭ ىقپال ەتپەك.

ءسۇريا جانە يراك ەلدەرى تۇركيامەن بولعان ديپلوماتيادا ەڭ باستىسى سۋ رەسۋرستارىن پايدالانۋ، شەكارالىق وزەندەردەگى سۋ قورى ماسەلەسىنە تاپ بولىپ وتىرادى. وتكەن عاسىردىڭ سوڭعى جارتىسىندا تۇركيا مەن ءسۇريا اراسىندا شەكارالىق وزەندەر بويىنشا داۋ-شارلار بولىپ، قاقتىعىسقا الىپ كەلە جازداعان. شەكارالىق وزەندەردىڭ ماسەلەسى اۋقىمدى ديپلوماتيالىق قادامدارعا دا ءوز ىقپالىن تيگىزىپ وتىر.

“The Qazaq Times”