شۆەت پەن فين دەلەگاتسياسى تۇرىكتەرگە باردى. فوتو: رەيتەر

بۇگىن شۆەتسيا مەن فينليانديانىڭ ارنايى دەلەگاتسياسى تۇركياعا بارىپ، اتالعان ەلدەردىڭ ناتو-عا مۇشە بولۋىنا قاتىستى تالقى وتكىزەدى. بۇدان بۇرىن ناتو مۇشەسى رەتىندە تۇركيا شۆەتسيا مەن فينليانديانىڭ ۇيىمعا مۇشە بولۋىنا قارسى داۋىس بەرگەن بولاتىن. 

ناتو-عا مۇشە بولۋعا ۇمىتكەر سولتۇستىك ەۋروپالىق ەلدەردىڭ دەلەگاتتارىن تۇركيانىڭ كەلىسسوزگە دايىنداعان ارنايى دەلەگاتسياسى كۇتىپ الادى. شۆەتسيانىڭ كەلىسسوز وكىلدەرىن مينيسترلەر كابينەتىنىڭ حاتشىسى وسكار ستەنستەرم باستاسا، فينليانديا دەلەگاتسياسىن ءسىم ءباسپاسوز حاتشىسىنىڭ ورىنباسارى يۋككا سالوۆارا جەتەكتەگەن.

تۇرىكتەر تارابىنان پرەزيدەنت اپپاراتىنىڭ باس حاتشىسى يبراحيم كالىن مەن ءسىم باسشىسىنىڭ ورىنباسارى سەدات ءوڭال كەزدەسۋگە قاتىسپاق. تاراپتار شۆەتسيا مەن فينليانديانىڭ ناتو-عا مۇشە بولۋىنا قاتىستى قاۋىپسىزدىك جانە گەوستراتەگيالىق ماسەلەلەردى قاراستىرماق.

التىناي مۇرات