اقش قىتايدىڭ اركتيكاداعى امبيتسياسىنان الاڭدايدى

قىتاي ءوزىن اركتيكاعا جاقىن ەل رەتىندە كورسەتكىسى كەلەدى جانە سوڭعى جىلدارى سولتۇستىك مۇزدى مۇحيتتاعى قيمىلدارىن جيىلەتكەن. قىتايدىڭ بۇل قادامدارى بارىنەن بۇرىن قۇراما شتاتتاردى الاڭداتۋدا، اقش تارابى اركتيكادا ۇلەسى بار ەلدەرگە قىتايدىڭ ايماقتىق قاۋىپسىزدىككە توندىرەتىن قاتەرى تۋرالى ەسكەرتىپ كەلەدى.

بەيسەنبىدە نورۆەگيانىڭ اقش-تاعى ەلشىلىگىندە اركتيكاعا قاتىستى كوپتەگەن ەلدەرىنىڭ ۇكىمەتتەرى مەن ازاماتتىق قوعام وكىلدەرىن جاھاندىق جىلىنۋعا بايلانىستى اركتيكانىڭ الدىندا تۇرعان قاۋىپسىزدىك ماسەلەلەرىن تالقىلاۋعا شاقىردى. وسى جيىندا ولار رەسەي مەن قىتايدىڭ اركتيكا ىقتيمال قاتەرلەرى تۋرالى كوبىرەك ايتقان. شىنى كەرەك، كليمات، قورشاعان ورتانى تاقىرىپ ەتكەن وسىنداي جينالىستاردىڭ كوبى ساياسي ءتۇس الىپ، دەرجاۆالار اراسىنداعى باقتالاستىق انىق كورىنىپ جاتادى.

اقش-تىڭ تەڭىز اسكەري كۇشتەرىنىڭ وكىلدەرى قىتايدىڭ وڭتۇستىك قىتاي تەڭىزىندەگى اسكەري قيمىلدارىن العا تارتا وتىرىپ، بەيجىڭ بيلىگى بولاشاقتا اركتيكادا دا اسكەري بەلسەندىلىككە قابىلەتتى ەكەنىن ايتادى.

ارينە، ءبىز كليمات وزگەرىستەرىن جاي كوزبەن دە كورىپ وتىرمىز. دەگەنمەن، دەرجاۆالار كليمات وزگەرىستەرىنە قارسى ناۋقانشىلدىقتى كوبىنە كوپ وزدەرىنىڭ ستراتەگيالىق مۇددەلەرىنە پايدالانۋعا تىرىسىپ جاتقانى بايقالادى. ال، اركتيكا مەن انتراكتيداعا قاتىستى داۋ-داماي 10 جىلدان كەيىن بۇگىنگى ورتا شىعىس ماسەلەسىنەن دە اسىپ تۇسەدى دەپ بولجايدى تاۋەلسىز ساراپشىلار.

“The Qazaq Times”