ەلدەگى نارازىلىق شەرۋلەرگە قاراماستان، يران اۋقىمدى اۋە قورعانىس جاتتىعۋىن وتكىزبەك. بۇنداي مالىمدەمەنى يران قورعانىس مينيسترلىگى تاراتتى. مالىمەتكە قاراعاندا اۋە شابۋىلدارىنا قارسى تۇرۋ قابىلەتىن جەتىلدىرۋ ماقساتىنداعى كەزەكتى جاتتىعۋ پارسى شىعاناعى مەن ورمۋز بۇعازدارىنىڭ كەڭىستىگىندە قامتيدى.

اۋقىمدى اۋە جاتتىعۋى يراننىڭ سيمنان پروۆينتسياسىنىڭ پارسى شىعاناعى جاعالاۋىندا بولماق. اتالعان پروۆينتسيادان 400 شاقىرىمنان استام سۋ ءۇستى كەڭىستىگىندە اۋە شابۋىلىنان پارمەندى قورعانۋ جاتتىعۋلارى وتكىزىلەدى.

يران اۋە قورعانىس كۇشتەرىنىڭ باس قولباسشىسى الي رىزا سەباحيفەرد مالىمدەمەسىندە: «كەزەكتى جاتتىعۋدا پارسى شىعاناعى مەن ورمۋز بۇعازىن بارلاۋ، قورعاۋ، ەلدىڭ اۋە كەڭىستىگىن شابۋىلدان قورعاۋ ماقساتىندا ەڭ قيىن ءارى شىنايى جاتتىعۋ وتكىزەمىز. سونداي-اق، اسكەري اۋە قورعانىس تەحنيكالارىنىڭ بارلىق تۇرلەرىن پايدالانامىز»، – دەگەن.

بۇدان تىس، يران قورعانىس مينيسترلىگىنىڭ مالىمەتىندە كەزەكتى وقۋ-جاتتىعۋ تىكەلەي دۇشپان قاۋپىنەن قورعانۋعا، تەرريتورياعا جاقىن قاۋىپتى نىسانداردى بارلاپ تاۋىپ، ەكىنشى ساتىدا ولاردىڭ كوزىن جويۋعا ارنالعان شىنايى ناتيجەنى كوزدەيتىن جاتتىعۋ ەكەنى ايتىلعان.

“The Qazaq Times”