Eldegi narazılıq şerulerge qaramastan, Iran auqımdı äue qorğanıs jattığuın ötkizbek. Bwnday mälimdemeni Iran Qorğanıs ministrligi tarattı. Mälimetke qarağanda äue şabuıldarına qarsı twru qabiletin jetildiru maqsatındağı kezekti jattığu Parsı şığanağı men Ormuz bwğazdarınıñ keñistiginde qamtidı.

Auqımdı äue jattığuı Irannıñ Simnan provinciyasınıñ Parsı şığanağı jağalauında bolmaq. Atalğan provinciyadan 400 şaqırımnan astam su üsti keñistiginde äue şabuılınan pärmendi qorğanu jattığuları ötkiziledi.

Iran Äue qorğanıs küşteriniñ bas qolbasşısı Ali Rıza Sebahiferd mälimdemesinde: «Kezekti jattığuda Parsı şığanağı men Ormuz bwğazın barlau, qorğau, eldiñ äue keñistigin şabuıldan qorğau maqsatında eñ qiın äri şınayı jattığu ötkizemiz. Sonday-aq, äskeri äue qorğanıs tehnikalarınıñ barlıq türlerin paydalanamız», – degen.

Bwdan tıs, Iran Qorğanıs ministrliginiñ mälimetinde kezekti oqu-jattığu tikeley dwşpan qaupinen qorğanuğa, territoriyağa jaqın qauipti nısandardı barlap tauıp, ekinşi satıda olardıñ közin joyuğa arnalğan şınayı nätijeni közdeytin jattığu ekeni aytılğan.

“The Qazaq Times”