ليۆاندا شيت مۇسىلماندارى حريستياندار قالاسىنان قۋدالانۋدا

ليۆان كوپ جىلدان بەرى ءوزىن حريستيان پرەزيدەنت باسقارعان، ەلدە بىرنەشە ۇقساماعان ءدىن وكىلدەرى قاتار ءومىر ءسۇرىپ جاتقان ورتا شىعىستاعى بىردەن-ءبىر ەل رەتىندە كورسەتىپ كەلگەن ەدى. الايدا، ءىس جۇزىندە جاعداي ەل ويلاعانداي بەيبىت، جاراسىمدى بولماي شىقتى. ەلدە حريستياندار كوبىرەك قونىستانعان قالالاردا مۇسىلمان شيتتەردىڭ تۇرۋىنا تىيىم سالىنۋدا. 

بەيرۋت قالاسىنىڭ اكىمدىگى قالادا تۇراتىن جانە قونىس اۋدارىپ كەلگەن مۇسىلمانداردى تۇراقتى مۇلىكتەرىن قالدىرىپ، وزدەرىنىڭ قالادان شىعىپ كەتۋىن تالاپ ەتكەن. ءتىپتى، اتالعان قالا كوشەلەرىندە حريستيانداردى ءوز پاتەرلەرى، تۇرعىندىق جەرلەرىن مۇسىلماندارعا ساتپاۋ تۋرالى ۇندەگەن جارناما تاقتالارى دا ءىلىنىپ تۇرادى. بەيرۋت قالاسىندا جەرگىلىكتى ۇكىمەت حريستيان سەنىمىندەگى ازاماتتاردىڭ تۇراقتى مۇلكىن مۇسىلماندارعا ساتۋعا، الماستىرۋعا قارسى ەرەجەلەر شىعارا باستاعان.

بۇل جاعدايدى قالانىڭ ون جىل بۇرىن سايلانعان مەرى جورج اۋن بىلاي دەپ تۇسىندىرەدى: "بۇل شەشىمدى ەلدەگى بارلىق مۇسىلمان، حريستيان ءدىني جەتەكشىلەرى جانە ساياسي پارتيالار قابىلداعان، سولاردىڭ ماقۇلداۋىنان وتكەن. ونىڭ باستى ماقساتى كەرىسىنشە مۇسىلماندار مەن حريستيانداردىڭ ءبىر ەلدە بەيبىت ءومىر ءسۇرۋىن قامتاماسىز ەتۋ. ايماقتاعى دەموگرافيانىڭ وزگەرىپ جاتقانى بەلگىلى، بۇل حريستيانداردى ىعىستىرىپ شىعارۋى مۇمكىن. سول ءۇشىن وسىنداي كەلىسىمدەر كەرەك. باسقا ايماقتار دا وسىنداي شارالاردى كورۋدە. بىراق، ولار بۇنى اشىق ايتا بەرمەيدى", – دەگەن. ول جانە حريستيانداردىڭ قۇندىلىعىن قورعاپ قالۋ ءۇشىن جاسالعان بۇل قادامدارىن ماقتانىش ەتەتىنىن دە ايتقان.

ليۆان ورتا شىعىستاعى بىرنەشە ءدىن وكىلى قاتار بەيبىت جاساپ كەلگەن ەل قاتارلى كورىنىپ جانە بۇل قۇندىلىعىمەن ماقتانىپ كەلگەنىمەن، ءوز باسپاناسىنان ەرىكسىز كوشىپ كەتۋگە ءماجبۇر بولعان شيتتەر بۇل پىكىرگە قوسىلمايدى.

“The Qazaq Times”