Livannıñ bastı qwndılığında ne jasırınğan. Foto: The Times of Israel.

Livan köp jıldan beri özin hristian prezident basqarğan, elde birneşe wqsamağan din ökilderi qatar ömir sürip jatqan Orta Şığıstağı birden-bir el retinde körsetip kelgen edi. Alayda, is jüzinde jağday el oylağanday beybit, jarasımdı bolmay şıqtı. Elde hristiandar köbirek qonıstanğan qalalarda mwsılman şitterdiñ twruına tıyım salınuda. 

Beyrut qalasınıñ äkimdigi qalada twratın jäne qonıs audarıp kelgen mwsılmandardı twraqtı mülikterin qaldırıp, özderiniñ qaladan şığıp ketuin talap etken. Tipti, atalğan qala köşelerinde hristiandardı öz päterleri, twrğındıq jerlerin mwsılmandarğa satpau turalı ündegen jarnama taqtaları da ilinip twradı. Beyrut qalasında jergilikti ükimet hristian senimindegi azamattardıñ twraqtı mülkin mwsılmandarğa satuğa, almastıruğa qarsı erejeler şığara bastağan.

Bwl jağdaydı qalanıñ on jıl bwrın saylanğan meri Jorj Aun bılay dep tüsindiredi: "Bwl şeşimdi eldegi barlıq mwsılman, hristian dini jetekşileri jäne sayasi partiyalar qabıldağan, solardıñ maqwldauınan ötken. Onıñ bastı maqsatı kerisinşe mwsılmandar men hristiandardıñ bir elde beybit ömir süruin qamtamasız etu. Aymaqtağı demografiyanıñ özgerip jatqanı belgili, bwl hristiandardı ığıstırıp şığaruı mümkin. sol üşin osınday kelisimder kerek. Basqa aymaqtar da osınday şaralardı körude. Biraq, olar bwnı aşıq ayta bermeydi", – degen. Ol jäne hristiandardıñ qwndılığın qorğap qalu üşin jasalğan bwl qadamdarın maqtanış etetinin de aytqan.

Livan Orta Şığıstağı birneşe din ökili qatar beybit jasap kelgen el qatarlı körinip jäne bwl qwndılığımen maqtanıp kelgenimen, öz baspanasınan eriksiz köşip ketuge mäjbür bolğan şitter bwl pikirge qosılmaydı.

“The Qazaq Times”