يراندا "قۇدىس كۇنىنە" ارنالعان شەرۋ وتەدى. فوتو: IRNA,

بيىل "دۇنيەجۇزىلىك قۇدىس كۇنىن" يراننىڭ 950 قالاسىندا اتاپ وتپەك. شاعىن قالالاردا مىڭداعان ادامدار، ال ەلدىڭ ءىرى ورتالىقتارىندا ءجۇز مىڭداعان ادام شەرۋگە شىعىپ پالەستينا ازاتتىعى مەن يەرۋساليمنىڭ قايتارىلۋىن تالاپ ەتەدى. سونداي-اق، بيىلعى "قۇدىس كۇنى" باحرەيندە وتكەلى جاتقان پالەستينا مەن يزرايل ماسەلەسىن تاقىرىپ ەتكەن "عاسىر ماجىلىسىنە" قارسىلىق رەتىندە وتەدى. 

يراندا ءار جىلعى ورازا ايىنىڭ سوڭعى جۇماسى "دۇنيەجۇزىلىك قۇدىس كۇنى" (يەرۋساليم كۇنى) رەتىندە اتالىپ وتەدى. بۇل كۇندى يران يسلام رەسپۋبليكاسىنىڭ قۇرۋشى حومەيني اتاۋلى كۇن ەتىپ بەلگىلەنگەن. بۇل كۇنى يراندىقتار شەرۋگە شىعىپ، پالەستينانىڭ ازاتتىعى مەن يەرۋساليمنىڭ قايتارىلۋىن تالاپ ەتەدى. 

يران يسلام رەسپۋبليكاسىنىڭ يسلامدىق ۇگىت-ناسيحات كەڭەسى تاراتقان مالىمدەمەدە، كەزەكتى "قۇدىس كۇنىندە" "عاسىر ءماجىلىسى" توقتاتىلىپ، پالەستينا جاعدايىنىڭ تۇراقتالۋىن ۇران ەتەتىندەرى ايتىلعان. سونداي-اق، ير ۇكىمەتى بيىل 41-ءشى رەت اتالىپ وتىرعان اتاۋلى كۇن يران حالقىنىڭ وتارلاۋعا قارسى بىرلىگىن ايگىلەيدى دەپ قارايدى.

بۇعان دەيىن يراننىڭ IRNA اقپاراتتىق اگەنتتىگى تەھران (تەگەران) لاۋازىمدىلارىنا سىلتەمە جاساي وتىرىپ، باحرەيندە وتكەلى وتىرعان "عاسىر ءماجىلىسى" دەپ اتالاتىن جينالىستىڭ پالەستينانىڭ تاۋەلسىزدىگىنە قارسى ماقساتتى باس قوسۋ رەتىندە باعالاعان. ال، كەشەگى حاباردا رەسەي مەن قىتاي تارابى اتالعان جينالىسقا قاتىسۋدان باس تارتقانىن مالىمدەگەن.

يسلامدىق ۇگىت-ناسيحات كەڭەسى اتالعان مەكەمەسىنىڭ تاراتقان مالىمەتىندە، كەزەكتى شاراعا شەتەلدەردەن 250 جۋرناليست شاقىرىلعان. سونداي-اق، ءوز ەلىنىڭ باق وكىلدەرىن قوسقاندا 4 مىڭنان استام جۋرناليست ءار قالادا شەرۋ تۋرالى حابار تاراتاتىنىن ءبىلدىردى.

ير-ءدىڭ اتاۋلى "قۇدىس كۇنى" الداعى جۇما كۇنى وتەدى.

“The Qazaq Times”