Iranda "Qwdıs künine" arnalğan şeru ötedi. Foto: IRNA,

Biıl "Düniejüzilik Qwdıs künin" Irannıñ 950 qalasında atap ötpek. Şağın qalalarda mıñdağan adamdar, al eldiñ iri ortalıqtarında jüz mıñdağan adam şeruge şığıp Palestina azattığı men Ierusalimniñ qaytarıluın talap etedi. Sonday-aq, biılğı "Qwdıs küni" Bahreynde ötkeli jatqan Palestina men Izrail' mäselesin taqırıp etken "Ğasır mäjilisine" qarsılıq retinde ötedi. 

Iranda är jılğı oraza ayınıñ soñğı jwması "Düniejüzilik Qwdıs küni" (Ierusalim küni) retinde atalıp ötedi. Bwl kündi Iran Islam Respublikasınıñ qwruşı Homeyni ataulı kün etip belgilengen. Bwl küni irandıqtar şeruge şığıp, Palestinanıñ azattığı men Ierusalimniñ qaytarıluın talap etedi. 

Iran Islam Respublikasınıñ Islamdıq ügit-nasihat keñesi taratqan mälimdemede, kezekti "Qwdıs küninde" "Ğasır mäjilisi" toqtatılıp, Palestina jağdayınıñ twraqtaluın wran etetinderi aytılğan. Sonday-aq, IIR ükimeti biıl 41-şi ret atalıp otırğan ataulı kün Iran halqınıñ otarlauğa qarsı birligin äygileydi dep qaraydı.

Bwğan deyin Irannıñ IRNA aqparattıq agenttigi Tehran (Tegeran) lauazımdılarına silteme jasay otırıp, Bahreynde ötkeli otırğan "Ğasır mäjilisi" dep atalatın jinalıstıñ Palestinanıñ täuelsizdigine qarsı maqsattı bas qosu retinde bağalağan. Al, keşegi habarda Resey men Qıtay tarabı atalğan jinalısqa qatısudan bas tartqanın mälimdegen.

Islamdıq ügit-nasihat keñesi atalğan mekemesiniñ taratqan mälimetinde, kezekti şarağa şetelderden 250 jurnalist şaqırılğan. Sonday-aq, öz eliniñ BAQ ökilderin qosqanda 4 mıñnan astam jurnalist är qalada şeru turalı habar taratatının bildirdi.

IIR-diñ ataulı "Qwdıs küni" aldağı jwma küni ötedi.

“The Qazaq Times”