ءازىمباي عالي. فوتو: ماتريتسا.kz

ەگەر دە يران اقش-پەن كەزەكتى كەلىسىمشارتقا بارماسا... امەريكا قۇراما شتاتتارى اۋەلى ەكونوميكالىق سانكتسيالاردى كۇشەيتەدى. ەگەر يران اسكەري قيمىل بايقاتسا، وندا اراداعى كيكىلجىڭ ۋشىعىپ، قىرعي-قاباق سوعىسقا ۇلاسادى. بۇل - الدىمەن، يران ءۇشىن اۋىر سوققى. ەكونوميكالىق تۇرعىدا قىسپاققا الىنعان يران ۇكىمەتى بۇل كەزدە دە رايىنان قايتپاسا، اقش يسلام مەملەكەتىنە قارسى وپەراتسيانىڭ ەكىنشى كەزەڭىنە وتەدى. ال، ەكىنشى كەزەڭ - ءسوزسىز، اسكەري وپەراتسيا. اقش ۇزاق سوزبايدى. راكەتالىق جانە اۋە شابۋىلدارىن باستايدى. ونىڭ سوڭى جول جانە وندىرىستىك ينفراقۇرىلىمنىڭ تالقاندالۋىمەن اياقتالادى. يراندا پارسى ۇلتىنا قارسى (پارسىلاردىڭ ۇلەس سالماعى 40%-دان 60%-عا دەيىن) ىدىراۋ مەن ۇلتتىق جانە ءدىني سەپاراتيزم ۇيىمداستىرىلادى. يران ۇكىمەتىن سول جولمەن قۇلاتىپ تىنادى، ودان ءارى  يراننىڭ ۇلتتارىن مەملەكەتتەرگە بولشەكتەۋدى باستايدى. كۋرديستان مەملەكەتى پايدا بولىپ، ۇلكەن كۇردىستان بولىپ بىرىگەدى. ەكى ءازىربايجان ءبىر مەملەكەت بولىپ، تۇبىندە قوسىلادى. وسىدان كەيىن، يراك شيت ارابتارى ولكەسىن قوسىپ الادى. تۇركمەننىڭ دە ءوز سىباعا-ولكەسى بار.

وسى رەتتە، قازاقستانعا دا يرانمەن ساۋدانى قىسقارتۋعا تۋرا كەلەدى. بىراق يراننىڭ يادرولىق قارۋى ەڭ الدىمەن بىزگە قاۋىپتى ەدى، سوندىقتان يراندى جازالاۋ ءبىزدىڭ مۇددەمىزبەن ۇشتاسادى. مۇناي باعاسى كوتەرىلىپ، قازاقستان جۇدەمەيدى.

“The Qazaq Times”