تۇركيا مەن قىتاي باسشىلارى. فوتو: انادولى.

تۇركيا پرەزيدەنتى رەجەپ تايىپ ەردوعان قىتاي توراعاسى شي جينپيڭمەن تەلەفون ارقىلى سويلەستى. بۇل تۋرالى تۇركيانىڭ «انادولى» اقپاراتتىق اگەنتتىگى حابارلادى.

اتالعان حاباردا تۇركيا مەن قىتاي باسشىلارى ەكى ەل اراسىنداعى قارىم-قاتىناستاردى دامىتۋ، «ءبىر بەلدەۋ، ءبىر جول» باعدارلاماسى اياسىندا تۇركياداعى ينۆەستيتسيالىق جوبالاردى جۇزەگە اسىرۋ تۋرالى كەڭەسكەن. بۇدان تىس وڭىرلىك ماسەلەلەر توڭىرەگىندە دە سويلەسكەن. ەردوعان قىتاي باسشىسىن سۇرياداعى قاقتىعىستاردىڭ جالعاسۋىنا جول بەرمەۋگە شاقىرعان.

اراداعى ساۋدا بايلانىستارىنىڭ تىعىزدىعىنا قاراماستان، قىتاي مەن تۇركيا قارىم-قاتىناسى ءماز ەمەس. قىتاي تارابى تۇركيانىڭ شىنجاعداعى ماسەلە توڭىرەگىندە ارالاسۋىن قالامايدى. ءارى شىنجاڭدا «قاۋىپتى ەلدەر» رەتىندە ناسيحاتتالعان مەملەكەتتەر ءتىزىمى اراسىندا تۇركيا كوش باستاپ تۇر. دەگەنمەن، اتالعان حاباردا، ەكى باسشى اراسىندا شىنجاڭ تاقىرىبى ءسوز بولعانى تۋرالى مالىمەت بەرىلمەگەن.

“The Qazaq Times”