كەشە، ءبىر كۇندە تۇرىك ليراسى 15 پايىزعا ارزانداپ، 1 امەريكا دوللارى 13 ليراعا تەڭ بولىپ قالدى. كوپتەگەن ساراپشىلار بۇنى پرەزيدەنت رەجەپ تايىپ ەردوعاننىڭ ەكونوميكانى قولداۋ بويىنشا جولعا قويعان جوسپارلارىنىڭ ناتيجەسى دەپ سىناۋدا.
تۇركيا پرەزيدەنتى قىركۇيەكتەن بەرى قاراي ۇلتتىق بانككە پايىزدىق مولشەرلەمەنى ءۇش رەت تۇسىرتكەن ەدى. ونىڭ بۇل ارەكەتى وپپوزيتسيا قازىرگى 20 پايىزدى قۇراعان ينفلياتسياعا الىپ كەلدى دەپ قاتتى سىنعا الىنۋدا.
ينۆەستورلاردىڭ سەنىمىنىڭ جوعالۋىنان بيىلعى جىلدىڭ وزىندە تۇرىك ليراسى 45 پايىزعا دەيىن قۇنىن جوعالتتى. بىراق، سوعان قاراماستان پرەزيدەنت ەردوعان ءوز ساياساتىن باتىل قورعاپ كەلەدى ءارى تاباندى جالعاستىراتىنىن ايتۋدا. ونىڭ ەسەبىنشە جوعارى پايىزدىق مولشەرلەمەلەر ءبارى بىردەي ينفلياتسيانى ازايتۋعا كومەك بەرمەيدى.
«ۆاليۋتانىڭ، پايىزدىق مولشەرلەمەنىڭ جانە باعالاردىڭ وسۋىمەن ويناپ وتىرعان ويىنشىلارعا كۋا بولىپ وتىرمىز. ءبىز ءوزىمىزدىڭ جوسپارىمىزدى جۇزەگە اسىرا الاتىنىمىزدى كورسەتۋىمىز كەرەك»، – دەگەن تۇركيا پرەزيدەنتى كەزەكتى ماسەلەگە قاتىستى مالىمدەمەسىندە.
ەردوعان اكىمشىلىگى پايىزدىق مولشەرلەمەلەردى قىسقارتۋ ينۆەستيتسيانى قولداپ، ەكسپورتتى جانداندىرادى، جۇمىسسىزدىقتى ازايتادى دەگەن كوزقاراستا. الايدا، وعان قارسى كوزقاراستاعى ەكونوميستەر بۇنى جۇزەگە اسپايتىن پلان قاتارىندا سىنايدى.
بۇل جاعداي تۇركيادا ەردوعان مەن ونىڭ اك پارتياسىن قولداۋشىلاردى كۇرت ازايتىپ جىبەرگەن. وسى ورايدان پايدالانىپ، وپپوزيتسيا سايلاۋدى مەرزىمىنەن بۇرىن وتكىزۋگە شاقىرۋدا، ولاردى قولداۋشىلار كوشەلەردە ەرەۋىلدەتىپ ءجۇر. بىراق، ەردوعان تاباندىلىق تانىتاتىنىن اڭعارتۋدا.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى