Түркия мен Қытай басшылары. Фото: Анадолы.

Түркия президенті Режеп Тайып Ердоған Қытай төрағасы Ши Жинпиңмен телефон арқылы сөйлесті. Бұл туралы Түркияның «Анадолы» ақпараттық агенттігі хабарлады.

Аталған хабарда Түркия мен Қытай басшылары екі ел арасындағы қарым-қатынастарды дамыту, «Бір белдеу, бір жол» бағдарламасы аясында Түркиядағы инвестициялық жобаларды жүзеге асыру туралы кеңескен. Бұдан тыс өңірлік мәселелер төңірегінде де сөйлескен. Ердоған Қытай басшысын Сүриядағы қақтығыстардың жалғасуына жол бермеуге шақырған.

Арадағы сауда байланыстарының тығыздығына қарамастан, Қытай мен Түркия қарым-қатынасы мәз емес. Қытай тарабы Түркияның Шынжағдағы мәселе төңірегінде араласуын қаламайды. Әрі Шынжаңда «қауіпті елдер» ретінде насихатталған мемлекеттер тізімі арасында Түркия көш бастап тұр. Дегенмен, аталған хабарда, екі басшы арасында Шынжаң тақырыбы сөз болғаны туралы мәлімет берілмеген.

“The Qazaq Times”