قىتايدى اقش-پەن اراداعى ساۋدا قاقتىعىسى الاڭداتىپ وتىر. فوتو: Sino.

قىتايدىڭ ساۋدا مينيسترلىگىنىڭ كەشە تۇستەن كەيىن جاريالاعان مالىمدەمەسى اقش پەن قىتاي اراسىنداعى ساۋدا قايشىلىعىنا باعىتتالدى. قىتاي تارابى اقش-قىتاي اراسىنداعى ساۋدا-ساتتىققا قاتەر تونبەيدى جانە ەكى تاراپ دا جانجالداردى كونسترۋكتيۆتى تۇردە شەشە الادى دەپ ۇمىتتەنەتىنىن ءبىلدىردى.

بەيسەنبى كۇنى وتكەن ءباسپاسوز ءماسليحاتىندا قىتاي ساۋدا مينيسترلىگىنىڭ وكىلى گاۋ فىڭ: «قۇراما شتاتتان ءتيىمدى شارالار قابىلدايدى دەپ ۇمىتتەنەمىز، ساۋدا قيمىلدارىن تەرىس پايدالانباۋىن قالايمىز»، – دەدى.

ول تاعى دسۇ ەرەجەلەرىنە سايكەس كەلمەيتىن بىرجاقتى ءتارتىپ پەن پروتەكتسيونيزم ءۇشىن قىتاي ءوزىنىڭ زاڭدى قۇقىقتارى مەن مۇددەلەرىن باتىلدىقپەن قورعاۋ ءۇشىن بارلىق قاجەتتى شارالاردى قابىلدايتىنىن ايتتى.

بۇل قىتاي تارابىنىڭ اقش-پەن اراداعى ساۋدا قاقتىعىسىنىنان ايتارلىقتاي دەڭگەيدە الاڭداپ وتىرعانىن جانە ساۋدا قاقتىعىسىنىڭ جاۋاپكەرشىلىگىن قۇراما شتاتقا ارتۋعا تىرىساتىنىن تۇسىندىرەدى.

“The Qazaq Times”